ماجىلىسمەن وليگارحتاردى وڭىرلەردەگى جىلۋ بەرۋ جۇيەسىن دامىتۋعا جۇمىلدىرۋدى ۇسىندى

None
استانا. قازاقپارات - ءماجىلىس دەپۋتاتى ەدىل جاڭبىرشين ەلىمىزدەگى وليگارحتاردى وڭىرلەردەگى جىلۋ بەرۋ جۇيەسىن دامىتۋعا جۇمىلدىرۋدى ۇسىندى، دەپ حابارلايدى قازاقپارات ءتىلشىسى.

«قاراجات پەن تەحنولوگيانى قايدان الامىز؟ تاريفتى ۇنەمى كوتەرە بەرۋگە بولمايدى، ال بيۋجەتتە شەكتەۋ بار. ينۆەستيتسيا ماسەلەسى دە تاريفكە بايلانىستى بولادى، ويتكەنى ينۆەستيتسيانى قايتارۋ كەرەك. بۇل تۇرعىدا ءتيىستى ۇسىنىس جاساماقپىن. بىزدە Forbes-تە تىركەلگەن 160 ميلليونەر مەن ميللياردەر بار. سونىڭ باستاپقى 20 سىن ەلىمىزدەگى اتالعان ماسەلەلەردى شەشۋگە كومەكتەسۋ ءۇشىن جيىرما وڭىرگە ءبولىپ بەرۋ كەرەك سياقتى. بۇل ادامدار مەملەكەت بايلىعىنان پايدا تاۋىپ، داۋلەتتى بولدى. ەندى وسى ادامدار حالىققا، مەملەكەتكە كومەكتەسۋى كەرەك دەپ سانايمىن»، - دەدى ە. جاڭبىرشين ءماجىلىستىڭ جالپى وتىرىسىندا.

بۇدان بۇرىن حابارلانعانداي، بۇگىن ءماجىلىستىڭ جالپى وتىرىسىندا جىلۋمەن جابدىقتاۋ سالاسىنداعى اۋديتورلىق ءىس-شارانىڭ قورىتىندىسىنا قاتىستى جوعارى اۋديتورلىق پالاتا ءتوراعاسى ناتاليا گودۋنوۆا بايانداما جاسادى.

47 مەملەكەتتىك مەكەمەدە جانە 44 تابيعي مونوپوليا سۋبەكتىسىندە اۋديت جۇرگىزىلدى. 140 ميلليارد تەڭگەدەن استام بيۋجەت قاراجاتىنىڭ جانە 480 ميلليارد تەڭگە اكتيۆتەردىڭ يگەرىلۋ تيىمدىلىگى تەكسەرىلدى.

سوڭعى جاڭالىقتار