ۇلتتىق قۇرىلتاي كەلەسى جىلى اتىراۋدا وتەدى

None
استانا. قازاقپارات - ۇلتتىق قۇرىلتايدىڭ ءۇشىنشى جيىنى اتىراۋ وبلىسىندا وتەتىن بولدى، دەپ حابارلايدى قازاقپارات ءتىلشىسى.

«وسىمەن، ۇلتتىق قۇرىلتايدىڭ ەكىنشى وتىرىسىن قورىتىندىلايىق. بىلتىر ۇلىتاۋدا، بيىل كيەلى تۇركىستاندا باس قوسىپ، ەلدىك ماسەلەلەردى تالقىلادىق. ەل تاريحىندا ايرىقشا ورنى بار تاعى ءبىر ايماق - اتىراۋ وبلىسى. ونداعى ايگىلى سارايشىق قالاسىندا اتاقتى حاندارىمىز ورداسىن تىككەن. مەن ۇلتتىق قۇرىلتايدىڭ كەلەسى وتىرىسىن وسى شەجىرەلى ايماقتا وتكىزۋدى ۇسىنامىن. ەلىمىزدە لايىم جاقسىلىق كوپ بولسىن!»، - دەدى پرەزيدەنت قاسىم-جومارت توقايەۆ تۇركىستاندا ءوتىپ جاتقان ەكىنشى ۇلتتىق قۇرىلتايدا.

ايتا كەتەيىك، ۇلتتىق قۇرىلتايدىڭ العاشقى وتىرىسى بىلتىر 16- ماۋسىمدا ۇلىتاۋ وبلىسىندا وتكەن بولاتىن.

سول كەزدە پرەزيدەنت كەلەسى باسقوسۋدى كيەلى تۇركىستاندا وتكىزۋدى ۇسىنعان ەدى.

سوڭعى جاڭالىقتار