توقايەۆ: پرەزيدەنت - اۋليە نە حالىقتان بيىك تۇلعا ەمەس
استانا. قازاقپارات - باسشىلىق قۇرامدى جاڭارتۋ جۇمىسى جالعاسىن تابادى. بۇل تۋرالى تۇركىستاندا ءوتىپ جاتقان ۇلتتىق قۇرىلتايدا پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
«باسشىلىق قۇرامدى جاڭارتۋ جۇمىسى جالعاسىن تابادى. مەملەكەت باسشىسى رەتىندە ايتارىم، مينيسترلەردىڭ، اكىمدەردىڭ جانە باسقا دا مەملەكەتتىك قىزمەتشىلەردىڭ بويىندا نەگىزگى ەكى قاسيەت بولۋى كەرەك. بۇل - پروفەسسيوناليزم، ياعني ناعىز مامان بولۋ جانە وتانشىلدىق. ال، ولاردىڭ پرەزيدەنتتىڭ جەكە باسىنا ادالدىعى مەن ءۇشىن ماڭىزدى ەمەس. مەملەكەت باسشىسىن ماداقتاۋدان گورى جۇمىستى ادال اتقارىپ، حالىقتىڭ الدىندا ابىرويلى بولۋ الدەقايدا ماڭىزدى. بارلىق مەملەكەتتىك قىزمەتشىلەرگە وسىنى ايتقىم كەلەدى»، - دەدى پرەزيدەنت.
بۇل ورايدا مەملەكەت باسشىسى وزگەرگەن پرەزيدەنتتىڭ وكىلەتتىلىك مەرزىمىنە قاتىستى پىكىر ءبىلدىردى.
«جاسالعان رەفورمالاردان كەيىن قازاقستان پرەزيدەنتى مەملەكەتتىك باسقارۋشى، ياعني كونستيتۋتسيادا كورسەتىلگەن 7 جىلدىق مەرزىمگە حالىقپەن ءوزارا كەلىسىمشارتقا وتىراتىن مەنەدجەر رەتىندە قىزمەت ەتەدى. پرەزيدەنت - اۋليە ەمەس، حالىقتان بيىك تۇلعا ەمەس»، - دەپ تۇيىندەدى قاسىم-جومارت توقايەۆ.
ەسكە سالا كەتەيىك، بۇگىن تۇركىستاندا مەملەكەت باسشىسىنىڭ قاتىسۋىمەن ۇلتتىق قۇرىلتايدىڭ ەكىنشى وتىرىسى ءوتىپ جاتىر.
