تاريحي تۇلعالاردىڭ اتىمەن اتالعان وردەندەر پايدا بولادى - ۇلتتىق قۇرىلتاي
استانا. قازاقپارات - الداعى رەسپۋبليكا كۇنىندە «ەل بىرلىگى» مەملەكەتتىك ناگراداسىنىڭ العاشقى يەگەرەلرەى بەلگىلى بولادى. بۇل جايىندا مەملەكەت باسشىسى قاسىم- جومارت توقايەۆ ۇلتتىق قۇرىلتايدىڭ نەگىزگى وتىرىسىندا ايتتى، دەپ حابارلايدى قازاقپارات ءتىلشىسى.
«ءبىز مەملەكەتتىك ناگرادالار جۇيەسىن دە وسى تاسىلمەن وزگەرتۋىمىز كەرەك. كوپتەگەن مەملەكەتتىڭ وردەن- مەدالدارىنا كورنەكتى تۇلعالاردىڭ ەسىمى بەرىلگەن. مۇنداي قادامدار وتانشىلدىق رۋحتى اسقاقتاتۋ ءۇشىن قاجەت. سونداي- اق، تاريحتا وشپەس ءىز قالدىرعان ايگىلى ادامداردىڭ ەسىمىن ۇرپاق ساناسىنا ءسىڭىرۋ ءۇشىن كەرەك. مەملەكەتتىك ناگرادالار جۇيەسىن جەتىلدىرۋ كەزىندە بۇل تاجىريبەنى بايىپپەن پايدالانعان ءجون. قولدانىستاعى كەيبىر وردەندەردى حالقىمىزدىڭ ءبىرتۋار پەرزەنتتەرىنىڭ ەسىمىمەن اتاۋ ماسەلەسىن ويلاستىرۋ قاجەت. مىسالى، بەيبارىس سۇلتان جانە باسقا دا تاريحي تۇلعالار اتىنداعى وردەننىڭ يەگەرى اتانۋ كىم-كىمگە دە زور مارتەبە بولار ەدى. مەن بۇعان دەيىن «ەل بىرلىگى» اتتى جاڭا مەملەكەتتىك ناگرادا ازىرلەپ، بەكىتۋدى تاپسىردىم. الداعى رەسپۋبليكا كۇنىندە بۇل ماراپات العاش رەت تاپسىرىلادى» ، - دەدى ق. توقايەۆ.
مەملەكەت باسشىسى كەلەشەكتە تاريحي تۇلعالارىدڭ اتىمان اتالاتىن وردەندەر پايدا بولاتىنىن ايتتى.
«كەلەسى جىلعى رەسپۋبليكا كۇنىندە تاريحي تۇلعالاردىڭ اتىمەن اتالعان وردەندەردى تابىستايمىز. جىل سوڭىنا دەيىن وسى ماسەلەنى مۇقيات ساراپتاپ، ناقتى ۇسىنىس ەنگىزۋ قاجەت. پرەزيدەنت اكىمشىلىگى بۇل جۇمىستى قۇزىرلى مەملەكەتتىك ورگاندارمەن، عالىمدارمەن جانە ساراپشىلارمەن بىرگە اتقارادى»، - دەدى پرەزيدەنت.
