د د س ۇ باسشىسى قازاقستاندىق مەديتسينا ماماندارىن كاسىبي مەرەكەمەن قۇتتىقتادى
ۆيدەوقۇتتىقتاۋ ق ر دەنساۋلىق ساقتاۋ مينيسترلىگىنىڭ Telegram-ارناسىندا جاريالاندى.
«جوعارى مارتەبەلى مينيستر اجار عينيات، قىمباتتى ارىپتەستەر مەن دوستار! بۇگىن سىزدەرمەن بىرگە ۇلتتىق دەنساۋلىق ساقتاۋ قىزمەتكەرلەرىنىڭ كۇنىن اتاپ ءوتۋ مەن ءۇشىن ۇلكەن مارتەبە. د د س ۇ اتىنان اباي وبلىسىندا ءورت ءسوندىرۋ كەزىندە قازا تاپقان 14 ورمانشىنىڭ قازاسىنا قايعىرا كوڭىل ايتامىن. دەنساۋلىق ساقتاۋ قىزمەتكەرلەرى دە ەرجۇرەك ورمانشىلار سياقتى ءار ۋاقىتتا ادام ءومىرىن باتىلدىقپەن قورعاۋ ءۇشىن ءجيى تاۋەكەلگە بارادى»، - دەدى ول.
د د س ۇ باسشىسى مەديتسينا ماماندارىنىڭ الاڭسىز قىزمەت اتقارۋىنا جاعداي جاساۋ بۇكىل ادامزات مىندەتى ەكەنىن ەسكە سالدى.
«ءبىز دەنساۋلىق ساقتاۋ قىزمەتكەرلەرىنىڭ ساپالى ءبىلىمى مەن كاسىبي دايىندىعىن بىرگە قامتاماسىز ەتۋىمىز كەرەك. قاۋىپسىز ەڭبەك جاعدايى، لايىقتى جالاقى، تەڭ مۇمكىندىكتەر مەن ولارعا لايىقتى قۇرمەت تانىتۋ قاجەت»، - دەدى تەدروس گەبرەيەسۋس.
