الماتىدا بورىشكەرلەردىڭ كولىكتەرى ۇستالا باستادى

None
استانا. قازاقپارات - الماتىدا اۆتوكولىك قۇرالدارى بويىنشا سالىق بەرەشەگىن ءوندىرىپ الۋ ماقساتىندا الماتى قالاسى پوليتسيا دەپارتامەنتىمەن جانە جەكە سوت ورىنداۋشىلارىنىڭ وڭىرلىك پالاتاسىمەن بىرلەسىپ «بورىشكەر» جەدەل-الدىن الۋ ءىس-شاراسى وتكىزىلۋدە، - دەپ حابارلايدى الماتى قالاسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتى.

جەكە سوت ورىنداۋشىلارىنىڭ (ج س و) قاۋلىسى بار بورىشكەرلەردىڭ اۆتوموبيلدەرى «سەرگەك» كامەرالارىنىڭ كومەگىمەن انىقتالادى جانە بەرەشەك تولىق وتەلگەنگە دەيىن ايىپپۇل تۇراعىنا قامالادى.

بۇگىنگى تاڭدا كولىك قۇرالدارىنا سالىناتىن سالىق بويىنشا بەرەشەك 4,9 ميلليارد تەڭگەنى قۇرايدى. بەرەشەكتىڭ نەگىزگى بولىگى قوزعالتقىشتىڭ ۇلكەن كولەمى 4000 تەكشە س م- دەن اساتىن اۆتوكولىكتەرگە تيەسىلى.

ءبىر اپتا ىشىندە جيىرمادان استام كولىك، سونىڭ ىشىندە Porshe cayenne، Toyota Land Cruiser، Mercedes-Benz E- كلاستى جانە ت. ب. ايىپپۇل تۇراعىنا قامالدى.

الماتى قالاسى بويىنشا م ك د اۆتوكولىك يەلەرىن ايىپپۇل تۇراعىنا قاماۋدى جانە سوت ورىنداۋشىلارىنىڭ قىزمەتتەرىنە اقى تولەۋ بويىنشا جايسىز جاعدايلاردى بولدىرماۋ ءۇشىن جاقىن ارادا سالىق بەرەشەگىن وتەۋگە شاقىرادى.

سالىق بەرەشەگىن م ك ك «e- Salyq-Azamat» ءموبيلدى قوسىمشاسىنىڭ كومەگىمەن جانە ءوز بەتىنشە www.kgd.kz ينتەرنەت- رەسۋرستا، سونداي-اق ەكىنشى دەڭگەيدەگى بانكتەردىڭ موبيلدى قوسىمشاسىندا تەكسەرۋگە بولادى.

سوڭعى جاڭالىقتار