توتەنشە جاعدايلار ءمينيسترى: ەلدى مەكەندەرگە قاۋىپ ءتونىپ تۇرعان جوق

None
استانا. قازاقپارات - توتەنشە جاعدايلار ءمينيسترى «سەمەي ورمانى» مەملەكەتتىك ورمان تابيعي رەزەرۆاتى اۋماعىن قاراپ شىقتى. ەلدى مەكەندەردىڭ تابيعي ورتتەن قورعالۋىن ۇيىمداستىرىلۋىن باقىلادى. بۇگىنگى كۇنى قاۋىپ جوق.

ق ر توتەنشە جاعدايلار مينيسترلىگىنىڭ باسپا ءسوز قىزمەتى تاراتقان مالىمەتتەرگە قاراعاندا، مينيستر بارلىق كۇشتەر مەن قۇرالدار ورمان ورتتەرىنىڭ ەلدى مەكەندەرگە وتۋىنە جول بەرمەۋ بويىنشا جۇمىستى جالعاستىرىپ جاتقانىن اتاپ ءوتتى. سونىمەن قاتار توپتاستىرىلعان كۇشتەر مەن قۇرالداردى ءتيىمدى قولدانۋدى قامتاماسىز ەتۋدى تاپسىردى.

ءورتتى سوندىرۋگە ت ج م، ورمان شارۋاشىلىعى كوميتەتىنەن، جەرگىلىكتى اتقارۋشى ورگانداردان جانە قورعانىس مينيسترلىگىنەن 1900 دان استام ادام، 360 قا جۋىق تەحنيكا جۇمىلدىرىلعان.

ءورتتى ءسوندىرۋ جۇمىستارى باستالعاننان بەرى ءورت وشاقتارىنا اۋەدەن 1526 رەت سۋ توگىلدى، جالپى كولەمى 4486 توننانى قۇرايدى.

ءورتتى ءسوندىرۋ 270 گرادۋستان 320 گرادۋستان دەيىنگى جوعارى تەمپەراتۋرالىق فونمەن، جانۋ الاڭىنىڭ اۋقىمدىلىعىمەن جانە سولتۇستىك، سولتۇستىك-شىعىستان سەكۋندىنا 14 مەتر جىلدامدىقپەن سوققان جەلگە، كۇندىز ونىڭ ەكپىنى سەكۋندىنا 20 مەترگە دەيىن جەتۋىنە بايلانىستى قيىندادى.

قازگيدرومەت بولجامى بويىنشا، الداعى 3 تاۋلىكتە كۇن جاۋىن-شاشىنسىز بولادى، جەل سوعىپ، ەكپىنى سەكۋندىنا 28 مەترگە دەيىن جەتەدى.

«سونىمەن قاتار، 13-ماۋسىمدا ءورت سەمەي قالاسىنا قاراي باعىت العانى بايقالدى. ۋاقتىلى قابىلدانعان جەدەل شارالاردىڭ ارقاسىندا ءورت 30 كيلومەتر جەردە توقتاتىلدى»، - دەلىنگەن حابارلامادا.

سوڭعى جاڭالىقتار