قازاقستاننىڭ ءسۇت يمپورتىنا تاۋەلدىلىگى ازايادى - مينيستر

None
استانا. قازاقپارات - وتكەن جىلى 36 تاۋارلىق ءسۇت فەرماسى ىسكە قوسىلدى، بۇل ەلدىڭ يمپورتقا تاۋەلدىلىگىن ازايتادى، دەپ حابارلايدى قازاقپارات.

«قولدانىستاعى مەملەكەتتىك قولداۋ شارالارى مال شارۋاشىلىعى سالاسىنا ينۆەستيتسيانىڭ تارتىلۋىن ساقتاۋعا مۇمكىندىك بەردى. وتكەن جىلى مال شارۋاشىلىعىنا تارتىلعان ينۆەستيتسيا 2021-جىلمەن سالىستىرعاندا 67 پايىز ارتىپ، 117,5 ميلليارد تەڭگەگە جەتتى، 102 ينۆەستيتسيالىق جوبا ىسكە اسىرىلدى»، - دەدى اۋىل شارۋاشىلىعى ءمينيسترى ە. قاراشوكەيەۆ بۇگىنگى ۇكىمەت وتىرىسىندا.

بۇل رەتتە ينۆەستيتسيالاردىڭ ەڭ ۇلكەن كولەمى تاۋارلىق ءسۇت فەرمالارى قۇرىلىسىنا تيەسىلى. 2022-جىلى قۋاتى 52,4 مىڭ توننا ءسۇت بولاتىن 36 تاۋارلىق ءسۇت فەرماسى ىسكە قوسىلعان.

سونداي-اق جالپى قۋاتى جىلىنا 41,9 مىڭ توننا قۇس ەتىن وندىرەتىن فابريكالار سالۋ بويىنشا 7 ينۆەستيتسيالىق جوبا پايدالانۋعا بەرىلدى.

«بيىل سولتۇستىك قازاقستان وبلىسىنىڭ تاجىريبەسى بويىنشا ءىرى ينۆەستيتسيالىق جوبالاردى ىسكە اسىرۋعا رەسپۋبليكالىق بيۋجەتتەن وندىرىستىك قۋاتى جىلىنا 373 مىڭ توننا ءسۇت بولاتىن 65 تاۋارلىق ءسۇت فەرماسىن قۇرۋعا 100 ميلليارد تەڭگە ءبولىندى، بۇل ەلدىڭ يمپورتقا تاۋەلدىلىگىن 39 پايىزدان 11 پايىزعا دەيىن تومەندەتۋگە مۇمكىندىك بەرەدى»، - دەدى مينيستر.

سوڭعى جاڭالىقتار