بۇرىنعى مينيستر يۋري يلينگە قاتىستى تەكسەرۋ جۇرگىزىلەدى – ق ر ءى ءى م

None
استانا. قازاقپارات - ىشكى ىستەر ءمينيسترى مارات احمەتجانوۆ بۇرىنعى توتەنشە جاعدايلار ءمينيسترى يۋري يلينگە قاتىستى ءىس قوزعاۋ جونىندە پىكىر ءبىلدىردى، دەپ حابارلايدى قازاقپارات ءتىلشىسى.

«پرەزيدەنت باس پروكۋرورعا تاپسىرما بەردى، سونىڭ اياسىندا تەكسەرۋ جۇرگىزىلەتىن بولادى. ءورت فاكتىسى - بۇل توتەنشە جاعداي، قازا تاپقان ادامدار بار، سوندىقتان قىلمىستىق ءىس اياسىندا تەكسەرۋ بولادى. نەلىكتەن ۋاقىتىلى شارا قولدانبادى، مۇمكىن نەمقۇرايلىلىق، قىزمەتتىك مىندەتتەرىن ورىنداماۋ دا بار شىعار»، - دەدى مينيستر ۇكىمەت وتىرىسىنان كەيىن تىلشىلەرگە بەرگەن سۇحباتىندا.

سونىمەن بىرگە م. احمەتجانوۆ ءورت سەبەبى رەتىندە قانداي نۇسقالار قارالاتىنىن ايتتى.

«تەرگەۋ ءجۇرىپ جاتىر، ادەيى ورتەۋ نۇسقاسى بار. ءىس ارنايى پروكۋرورلاردىڭ جۇرگىزۋىنە قابىلداندى. وسى توپتا ءى ءى م قىزمەتكەرلەرى دە بار، ەندى تەرگەۋدى كورەيىك. قاساقانا ورتەۋ، نەمقۇرايلىلىق، نايزاعاي ءتۇسۋ نۇسقالارى دا بار. ساراپتامالار مەن ىزدەستىرۋ شارالارى جۇرگىزىلەدى. تەرگەۋگە 2 اي ۋاقىت بەرىلدى»، - دەدى سپيكەر.

ايتا كەتەيىك، اباي وبلىسى اكىمىنىڭ ورىنباسارى ديميتري گاريكوۆتىڭ ايتۋىنشا، ءورت 2 رەت تۇسكەن نايزاعايدان تۇتانعان.

8-ماۋسىم كۇنى باستالعان «سەمەي» ورمانى رەزەرۆاتىنداعى ورتپەن كۇرەسكە جۇمىلدىرىلعان 14 ورمانشى قازا بولدى.

سوڭعى جاڭالىقتار