قازاقستاندا ورمان ءورتىن عارىشتان باقىلايتىن ءتورت سپۋتنيك بار

None
استانا. قازاقپارات - ەلىمىزدە ورمان جانە دالا ورتتەرىن عارىشتان باقىلايتىن ءتورت سپۋتنيك بار، دەپ حابارلايدى قازاقپارات Jibek joly تەلەارناسىنا سىلتەمە جاساپ.

ولاردىڭ ءارقايسىسى ەل اۋماعىن كۇنىنە ەكى رەت سۋرەتكە تۇسىرەدى، قاشىقتان زوندتاۋ ارقىلى ءورت وشاقتارى انىقتالادى.

سپۋتنيك ۇشقان سوڭ دەرەكتەر جەرۇستى ستانتسياسىنا ءتۇسىرىلىپ، جەر بەتىنىڭ تەمپەراتۋراسىن انىقتاۋ ءۇشىن وڭدەلەدى. سودان سوڭ توتەنشە جاعدايلار مينيسترلىگىنە ارنايى گەوسەرۆيستەرگە جۇكتەلەدى. ولاردىڭ قابىلدانىپ، وڭدەلىپ، جاريالانۋىنا 2 ساعات ۋاقىت كەتەدى.

«اباي وبلىسىنداعى ورتكە كەلسەك، بۇل ءتۇسىرىلىم 13:20 دا گەوسەرۆيستەرگە جۇكتەلدى، سول ساتتەن باستاپ، توتەنشە جاعدايلار مينيسترلىگىندە دە، ەكولوگيا مينيسترلىگىندە دە «سەمەي ورمانىندا» ءورتتىڭ باستالعانى تۋرالى اقپارات جەتكىزىلدى»، - دەدى «قازاقستان عارىش ساپارى» ۇ ك ا ق باسقارما ءتوراعاسىنىڭ ورىنباسارى وسكەن تويشىبەكوۆ «جاڭا ۋاقىت» اقپاراتتىق-ساراپتامالىق باعدارلاماسىندا.

ايتا كەتەيىك، سەمەي ورمانىنا قانشالىقتى زالال كەلگەنىن ءورت تولىق سوندىرىلگەن سوڭ ارنايى كوميسسيا ەسەپتەيتىن بولادى.

قازىرگى ۋاقىتتا اباي وبلىسىندا ءورتتى ءسوندىرۋ ءۇش باعىتتا جالعاسۋدا (وڭتۇستىك، باتىس جانە شىعىس جيەكتەر). شىعىس باعىتتا اۋىر تەحنيكامەن مينەرالدانعان جولاقتار جاساۋ جۇمىستارى جۇرگىزىلۋدە.

سوڭعى جاڭالىقتار