باسقارۋشى حولدينگتەردىڭ قىزمەتى اشىق ەمەس - جوعارى اۋديتورلىق پالاتا
«كۆازيمەملەكەتتىك سەكتور - مەملەكەتتىك ساياساتتىڭ اجىراماس جولسەرىگى. ۇلتتىق حولدينگتەر مەن كومپانيالار بۇل جايدى قابىلداپ، جالپى مەملەكەتتىك مىندەتتەردى شەشۋدەن باس تارتۋىن توقتاتىن كەز كەلدى. ونداعان جىل بويى جالعاسىپ كەلە جاتقان مەملەكەتتىك قولداۋ ناتيجە بەرۋى كەرەك. ۇلتتىق حولدينگتەر جاڭا فورماتتا ەكونوميكانىڭ ناقتى سەكتورىن دامىتۋدا كوشباسشى بولۋعا قابىلەتتى. ال ولاردىڭ ديۆيدەندتىك جانە بورىشتىق ساياساتى مەملەكەتتىڭ قاتاڭ باقىلاۋىندا بولۋعا ءتيىس. قازىر بورىشتىق جۇكتەمە وسۋدە، ال ديۆيدەندتەر رەسپۋبليكالىق بيۋدجەت كىرىستەرىنىڭ شامالى بولىگىن قۇرايدى»، - دەدى پالاتا ءتوراعاسى.
ونىڭ اتاپ وتۋىنشە، باسقارۋشى حولدينگتەردىڭ قىزمەتى اشىق ەمەس. ولار پارلامەنتكە مۇلدە ەسەپ بەرمەيدى.
«بۇل سىزدەردىڭ نازارلارىڭىزدى اۋداراتىن تۇجىرىمدامالىق جاعدايلار جانە ءبىزدىڭ ويىمىزشا وسى رەزەرۆتەردى پايدالانۋ ناتيجەلەردى باسقارۋدى جاقسارتۋعا مۇمكىندىك بەرەدى بارلىق انىقتالعان ماسەلەلەر بويىنشا ءبىز ءتيىستى ۇسىنىمدار ازىرلەدىك، ولار قورىتىندىدا اتاپ كورسەتىلدى. بيۋدجەتتىك پروتسەستەردى جەتىلدىرۋ ماسەلەلەرىندە ۇكىمەتپەن جانە وڭىرلەرمەن بىرلەسكەن جۇمىس جالعاسادى»، - ناتاليا گودۋنوۆا.
جوعارى اۋديتورلىق پالاتانىڭ وكىلەتتىكتەرى مەن قۇزىرەتتەرىنىڭ قۇقىقتىق شەكاراسى ءالى ايقىندالماعان.
«ماڭىزدى رەسۋرستاردى وڭىرلىك دەڭگەيگە بەرۋ جانە انىقتالعان جۇيەلى پروبلەمالار جوعارى اۋديتورلىق پالاتاعا جاڭا وكىلەتتىكتەر بەرۋ، تەكسەرۋ كوميسسياسىنىڭ مارتەبەسىن ارتتىرۋ قاجەتتىگىن كورسەتەدى. كونستيتۋتسيالىق رەفورما اياسىندا ەسەپ كوميتەتى جوعارى اۋديتورلىق پالاتا بولىپ قايتا قۇرىلعان ساتتەن بەرى جارتى جىلدان استام ۋاقىت ءوتتى»، - دەدى پالاتا ءتوراعاسى.
ونىڭ اتاپ وتۋىنشە، جوعارى اۋديتورلىق پالاتانىڭ وكىلەتتىكتەرى مەن قۇزىرەتتەرىنىڭ قۇقىقتىق شەكاراسى ءالى ايقىندالماعان.
«اتالعان تۇزەتۋلەر - وسى ماسەلەنى شەشۋگە جاساعان ءۇشىنشى ارەكەتىمىز. قازىرگى ۋاقىتتا زاڭ جوباسى ۇكىمەتتىڭ قورىتىندىسىندا جاتىر. وسى مۇمكىندىكتى پايدالانا وتىرىپ، «زاڭسىز يەمدەنگەن اكتيۆتەردى مەملەكەتكە قايتارۋ تۋرالى» زاڭ جوباسى اۋقىمىندا وسى تۇزەتۋلەرگە باستاماشىلىق جاساعانى ءۇشىن ەكونوميكالىق رەفورما جانە وڭىرلىك دامۋ كوميتەتىنە العىس ايتامىز»، - دەدى ناتاليا گودۋنوۆا.
