19:42, 01 - ماۋسىم 2023 | GMT +6
پرەزيدەنت كلينيكالىق-دياگنوستيكالىق بولىمشەسىنىڭ جاڭا كورپۋسىن ارالاپ كوردى
استانا. قازاقپارات - قاسىم-جومارت توقايەۆ مەديتسينا مەكەمەسىنىڭ كلينيكالىق-دياگنوستيكالىق بولىمشەسىن ارالاپ كوردى، دەپ حابارلايدى قازاقپارات اقوردانىڭ Telegram كانالىنا سىلتەمە جاساپ.
كلينيكادا ەرەسەكتەر مەن بالالارعا امبۋلاتوريالىق-ەمحانالىق، دياگنوستيكالىق جانە ستاتسيونارلىق كومەك تەك اقىلى نەگىزدە عانا ەمەس، تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ اياسىندا دا كورسەتىلەدى. مەكەمە 18 مىڭنان استام ادامعا قىزمەت كورسەتەدى.
پرەزيدەنت كلينيكا قىزمەتكەرلەرىمەن اڭگىمەلەسۋ بارىسىندا ارناۋلى جوعارى تەحنولوگيالىق مەديتسينالىق مەكەمەلەر مەن ورتالىقتار اشۋ ماڭىزدى ەكەنىن اتاپ ءوتتى.
سونداي-اق ولاردىڭ اسا جاۋاپتى ەڭبەگىنە تابىس تىلەدى.
