قاسىم- جومارت توقايەۆ بۇگىن سولتۇستىك قازاقستان وبلىسىنا جۇمىس ساپارىمەن بارادى
استانا. قازاقپارات - مەملەكەت باسشىسى قاسىم- جومارت توقايەۆ بۇگىن سولتۇستىك قازاقستان وبلىسىنا جۇمىس ساپارىمەن بارادى، دەپ حابارلايدى قازاقپارات اقوردنىڭ Telegram كانالىنا سىلتەمە جاساپ.
پرەزيدەنت وڭىردەگى كوكتەمگى ەگىس ناۋقانىمەن تانىسىپ، اۋىل شارۋاشىلىعى تاۋارىن وندىرۋشىلەرمەن كەزدەسەدى، سونداي- اق الەۋمەتتىك نىسانداردى ارالاپ كورەدى.
پرەزيدەنت 30-مامىر كۇنى اقوردادا ءبىرقاتار مەملەكەتتىڭ ەلشىلەرىنەن سەنىم گراموتالارىن قابىلدايدى.
سونداي- اق قاسىم- جومارت توقايەۆ 2-ماۋسىمدا قىرعىزستاننىڭ شولپان- اتا قالاسىندا وتەتىن ەكىنشى «ورتالىق ازيا - ەۋروپالىق وداق» سامميتىنە قاتىسادى دەپ جوسپارلانىپ وتىر.
وسىعان دەيىن قاسىم- جومارت توقايەۆتىڭ رەجەپ تايىپ ەردوعاندى پرەزيدەنت سايلاۋىنداعى جەڭىسىمەن قۇتتىقتاعانىن حابارلادىق.
