قورعانىس ءمينيسترىنىڭ ورىنباسارى: كورشىلەرىمىزدىڭ ەشبىرىن ىقتيمال دۇشپان رەتىندە كورمەيمىز

استانا. قازاقپارات - قورعانىس ءمينيسترىنىڭ ورىنباسارى سۇلتان قامالەتدينوۆ بۇكىل ارميالىق كەڭەس وتىرىسىنىڭ الدىندا ب ا ق وكىلدەرىنىڭ قازاقستان قارۋلى كۇشتەرىنىڭ الەۋەتى تۋرالى سۇراقتارىنا جاۋاپ بەردى، دەپ حابارلايدى قازاقپارات ءتىلشىسى.

«ەلىمىز كوپ ۆەكتورلى ساياسات ۇستانىپ وتىر. كورشىلەرىمىزبەن شەكارامىز بەلگىلەنىپ، قول قويىلعان. كورشىلەرىمىزدىڭ ەشبىرىن ىقتيمال دۇشپان رەتىندە كورمەيمىز. ءبىز (ولارمەن) دوسپىز. بارىمەن تاتۋ كورشىلىك قاتىناس ورناتقانبىز»، - دەدى ءمينيستردىڭ ورىنباسارى.

جۋرناليستەر قاۋىپتى دۇشپان شابۋىل جاساسا، ەل قورعانىسى قالاي توتەپ بەرەتىنىن سۇرادى. سۇلتان كامالەتدينوۆ بۇل سول كەزدەگى گەوساياسي جاعدايعا بايلانىستى ەكەنىن ايتتى.

ەسكە سالساق، سۇلتان قامالەتدينوۆ بۇعان دەيىن بيىل قازاقستاننىڭ اسكەري بيۋدجەتى وسكەنىن ءمالىم ەتكەن ەدى.

«قورعانىس مينيسترلىگىنىڭ اسكەري بيۋدجەتى قاراستىرىلىپ، قازاقستاننىڭ ج ءى و- دەگى اسكەري بيۋدجەتى ءبىر پايىز شاماسىندا بەكىتىلدى»، - دەيدى ءمينيستردىڭ ورىنباسارى.

بۇعان دەيىن قورعانىس مينيسترلىگىنە قاراستى وقۋ ورىندارى پەداگوگتەرىنىڭ جالاقىسى وسەتىنى بەلگىلى بولعان ەدى.

ناقتىراق ايتساق، اسكەري پەداگوگتەردىڭ لاۋازىمدى ايلىق مولشەرى:

- 2023 -جىلعى 1-قاڭتاردان باستاپ 2,32 مولشەرىندە؛

- 2024 -جىلعى 1-قاڭتاردان باستاپ 2,74 مولشەرىندە؛

- 2025 -جىلعى 1-قاڭتاردان باستاپ 3,2 مولشەرىندە مولشەرىندە تۇزەتۋ كوەففيتسيەنتىن قولدانا وتىرىپ ايقىندالادى.

كەلەشەكتە اسكەري كومانديردىڭ وڭ قورىتىندىسىن العان مەرزىمدى اسكەردەگى جاۋىنگەرلەرگە تەگىن جوعارى اسكەري ءبىلىم ۇسىنىلۋى مۇمكىن. قورعانىس مينيسترلىگىنىڭ بۇل باستاماسىن ەلدەگى 70 جوعارى وقۋ ورنى قولداپ وتىر.