پرەزيدەنت وتاندىق عالىمدارمەن كەزدەستى

«بۇگىنگى وتىرىس بولاشاق وزگەرىستەر ءۇشىن وتە بايىپتى باستاۋ بولدى. مەملەكەت باسشىسى عالىمدارىمىز ايتقان باستامالاردىڭ باسىم بولىگىنە قولداۋ ءبىلدىردى. بىزدە عىلىم اكادەمياسىنىڭ رولىنە، عىلىمي ىزدەنىستەردىڭ شىنايى ەكونوميكاعا قاجەتتىلىگىنە قاتىستى جۇيەلى سيپاتتاعى ماسەلەلەردى كوتەرگەن نەگىزگى 4 بايانداماشى بولدى. سونىمەن قاتار يادرولىق ەنەرگەتيكانى، جاڭا تەحنولوگيالاردى دامىتۋ، توري رەاكتورلارىن جاساۋ ماسەلەلەرى تالقىعا ءتۇستى.

سۇراقتاردىڭ ءۇشىنشى بلوگى بيولوگيالىق قاۋىپسىزدىكتى قامتاماسىز ەتۋ تۇرعىسىندا گەندىك تەحنولوگيالاردى دامىتۋعا قاتىستى كوتەرىلدى. سوڭعى سۇراقتار نەگىزىنەن مۇرالاردى، تاريحي- ارحەولوگيالىق جادىگەرلەردى ساقتاۋ، ەلدىڭ الەۋمەتتىك- ەكونوميكالىق الەۋەتىن دامىتۋعا عىلىمي قامتىمدى ءوندىرىستىڭ تىكەلەي اسەرىن تالقىلاۋعا باعىتتالدى»، - دەدى كوميتەت ءتوراعاسى «عىلىمدى دامىتۋداعى جاڭا ترەندتەر» تاقىرىبىنداعى «دوڭگەلەك ۇستەل» بارىسىندا.

ونىڭ اتاپ وتۋىنشە، اتىلعان بارلىق باعىت ەلدىڭ ستراتەگيالىق قۇجاتتارىندا كورىنىس تابادى. سونىمەن قاتار ول پرەزيدەنتتىڭ تاپسىرماسىمەن قازاقستاننىڭ عىلىم جۇيەسىن دامىتۋداعى عىلىم اكادەمياسىنىڭ جاڭا ءرولىن قالىپتاستىرۋ، عالىمداردى الەۋمەتتىك قولداۋ، ونىڭ ىشىندە عىلىمي دارەجەلەر مەن اتاقتارعا ۇستەماقىلار تولەۋ، زەرتحانالار مەن عىلىمي ورتالىقتاردىڭ ماتەريالدىق- تەحنيكالىق قامتاماسىز ەتىلۋىن قارجىلاندىرۋدىڭ جاڭا فورماسى بويىنشا ءىس- شارالالار قابىلدانادى.

«پرەزيدەنتىمىزدىڭ باسشىلىعىمەن جانە قولداۋىمەن سوڭعى جىلدارى عىلىمعا بولىنەتىن بيۋدجەت ارتتى. وسى جىلدىڭ وزىندە 158 ميللياردقا جەتتى، بىرتىندەپ 240 ميلليارد تەڭگەگە دەيىن ۇلعايتىلادى. ارينە، جۇزەگە اسىرىلعان ءىس- شارالار جۇيەلى سيپاتقا يە»، - دەدى دارحان احمەد- زاكي.

كوميتەت باسشىسىنىڭ ايتۋىنشا، ۋنيۆەرسيتەتتىك عىلىمدى دامىتۋ ماسەلەسى كوتەرىلدى. بۇل باعىتتا مەملەكەت باسشىسىنىڭ تاپسىرىسىمەن ج و و- لار جانىندا ينجينيريگىلىك ورتالىقتار مەن تەحنوپاركتەر قۇرۋ باستاماسى جۇزەگە اسىرىلاتىن بولادى.