قازاقستان تەلەارنالارى ازەربايجاندا حابار تاراتاتىن بولادى
بۇل تۋرالى ازەربايجان پرەزيدەنتى يلحام اليەۆپەن كەلىسسوزدەردەن كەيىنگى ب ا ق وكىلدەرىنە ارنالعان بريفينگتە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبىزدىڭ گۋمانيتارلىق بايلانىستارىمىزدى تەرەڭدەتۋ دە ەكى ەلدىڭ جاستارى اراسىنداعى بايلانىستارعا سەپ بولادى. ءبىز جاستار ساياساتى جانە ءبىلىم بەرۋ سالاسىنداعى ىنتىماقتاستىقتى دامىتۋ بويىنشا تاراپتار قابىلداعان قادامدى قولدادىق. بەيىندى مينيسترلىكتەرگە اكادەميالىق ۇتقىرلىقتى قامتاماسىز ەتۋگە بارىنشا جاردەمدەسۋ، بىرلەسكەن ءبىلىم جانە عىلىمي جوبالاردى ۇيىمداستىرۋ تاپسىرىلدى»، - دەدى قاسىم-جومارت توقايەۆ.
وسى ورايدا مەملەكەت باسشىسى قازاقستان رەسپۋبليكاسىنىڭ ۇلتتىق عىلىم اكادەمياسى مەن ازەربايجان ۇلتتىق عىلىم اكادەمياسى اراسىنداعى عىلىمي ىنتىماقتاستىق بويىنشا ءوزارا تۇسىنىستىك تۋرالى مەموراندۋمعا قول قويىلعان ەسكە سالىپ ءوتتى.
«سونداي-اق كەلىسسوزدەر بارىسىندا ازەربايجاندىق كابەلدى وپەراتورلار جەلىسىندە قازاقستاندىق تەلەارنالار حابارىن تاراتۋ ۋاعدالاستىعىن جۇزەگە اسىرۋ ماڭىزدىلىعى اتالىپ ءوتىلدى»، - دەدى پرەزيدەنت.
