قازاقستان مەن ازەربايجان پرەزيدەنتتەرى شاعىن قۇرامدا كەلىسسوز جۇرگىزدى
«بىلتىر تامىز ايىندا مەن باكۋگە ساپارمەن باردىم. بۇل ساپارىم اسا ناتيجەلى بولدى جانە ەكىجاقتى قاتىناستارعا تىڭ سەرپىن بەردى. قازىر پرەزيدەنتتەردىڭ ەكى ەل ۇكىمەتىنە بەرگەن تاپسىرمالارىنىڭ ورىندالۋ بارىسىن پىسىقتاۋ قاجەتتىلىگى تۋدى. ازەربايجان مەن قازاقستان - باۋىرلاس ءارى دوستاس مەملەكەتتەر. ءبىزدىڭ تاراپىمىزدان ساۋدا-ەكونوميكا جانە ينۆەستيتسيا سالالارىنداعى جان-جاقتى ىنتىماقتاستىقتى، سونداي-اق ەكىجاقتى فورماتتاعى جانە حالىقارالىق ۇيىمدار اياسىنداعى ساياسي قارىم- قاتىناستى دامىتۋ ءۇشىن بارلىق مۇمكىندىك جاسالىپ جاتىر. ءبىز كاۆكاز ايماعىندا جەتەكشى ءرول اتقاراتىن ازەربايجان مەملەكەتىمەن ەكونوميكالىق قاتىناستار مەن ىنتىماقتاستىقتى دامىتۋ ءۇشىن اۋقىمدى جۇمىس جۇرگىزۋدى كوزدەپ وتىرمىز. ءبىزدىڭ ارامىزدا ەشقانداي ماسەلە جوق. تەك قانا وسى باعىتتا العا ىلگەرىلەۋگە دەگەن نيەت قانا بار»، - دەدى قاسىم-جومارت توقايەۆ.
وسىعان دەيىن اقوردادا يلحام اليەۆتى سالتاناتتى قارسى الۋ ءراسىمى وتكەنى حابارلاندى.
