جانارماي ساتىلىمىن شەكتەۋ نەمەسە جاسىرىپ قويۋ ماسەلەسى ۇكىمەتتە تالقىلاندى

استانا. قازاقپارات - پرەمەر- ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن وتكەن ۇيلەستىرۋ ورتالىعىنىڭ وتىرىسىندا ىشكى نارىقتى مۇناي ونىمدەرىمەن، ونىڭ ىشىندە ديزەل وتىنىمەن قامتاماسىز ەتۋ جونىندەگى شارالار تالقىلاندى، دەپ حابارلايدى قازاقپارات.

ەنەرگەتيكا ءمينيسترى الماسادام ساتقاليەۆتىڭ بايانداۋىنشا، قازىرگى ۋاقىتتا رەسپۋبليكادا 309 مىڭ توننا ديزەل وتىنىنىڭ جيىنتىق قورى بار. ءساۋىر ايىندا تاعى 441 مىڭ توننا وتىن وندىرىلمەك.

وسىلايشا، وسى ايدا ديزەلدىڭ جالپى كولەمى شامامەن 750 مىڭ توننا، ال بولجام بويىنشا تۇتىنۋ كولەمى اۋىل شارۋاشىلىعى تاۋارىن وندىرۋشىلەر مەن ق ت ج قاجەتتىلىكتەرىن قوسا ەسەپتەگەندە، شامامەن 510 مىڭ توننانى قۇرايدى.

ءمينيستردىڭ مالىمەتىنشە، 7 -ساۋىردەگى جاعداي بويىنشا 415 جانارماي قۇيۋ ستانسياسىندا ديزەل وتىنى بولماعان، بۇل - ەلىمىزدەگى 3163 نىساننىڭ % 13- ى.

ەنەرگەتيكا مينيسترلىگى تاپشىلىقتى تەز ارادا جويۋ ءۇشىن جانارماي قۇيۋ ستانسيالارىن قوسىمشا وتىنمەن قامتاماسىز ەتۋ ماقساتىندا وڭىرلەر اكىمدىكتەرىنەن وتىنىمدەر جينادى.

سونداي- اق مەملەكەت وڭدەۋ كاسىپورىندارىندا ءوندىرىس تۇراقتىلىعىن قامتاماسىز ەتۋ ءۇشىن بارلىق شارانى قابىلداپ جاتىر. اتاپ ايتقاندا، شىمكەنت م ءو ز- ءىن جوندەۋ جۇمىستارى مەرزىمىنەن بۇرىن اياقتالىپ، مۇناي ونىمدەرىن جونەلتۋ باستالىپ كەتتى. بۇل رەتتە اۋىل شارۋاشىلىعى تاۋارىن وندىرۋشىلەر مەن وتىن تاپشىلىعى بار وڭىرلەردەگى جانارماي قۇيۋ بەكەتتەرىنە باسىمدىق بەرىلەدى.

«قازمۇنايگاز» ۇ ك» ا ق باسقارما ءتوراعاسى ماعزۇم مىرزاعاليەۆتىڭ ايتۋىنشا، سوڭعى كۇندەرى ورىن العان تاپشىلىق جانارماي قۇيۋ ستانسيالارى يەلەرىنىڭ باعا ايىرماشىلىعىنىڭ قىسقارۋىن كۇتىپ، مۇناي بازالارىنداعى وتىن قورىن جاسىرىپ قالۋىنا بايلانىستى بولىپ وتىر. وسىلايشا، جەكە مۇناي بازالارىندا ەلدە بار ديزەل وتىنى كولەمىنىڭ % 73- ى جيناقتالعان.

قارجى ۆيتسە- ءمينيسترى ەرجان ءبىرجانوۆتىڭ اقپاراتىنشا، وتكەن اپتادا 3 مىڭنان استام جانارماي قۇيۋ ستانسياسىنا تالداۋ جۇرگىزىلگەن. بۇل رەتتە وتىن بولا تۇرا، ساۋدا- ساتتىق كولەمى ازايىپ كەتكەن نىساندارعا ەرەكشە نازار اۋدارىلدى. ياعني ساتۋدى شەكتەۋ بەلگىلەرى ورىن العان.

ەلىمىز بويىنشا بارلىعى وسىنداي 152 جانارماي قۇيۋ بەكەتى انىقتالدى.

بارلىق فاكتى بويىنشا ءتيىستى شارالار قابىلدانىپ جاتىر.

رومان سكليار وڭىردەگى شتابتار بەلسەندى تۇردە ارەكەت ەتىپ، تۇراقتى رەيدتەر وتكىزۋى كەرەك ەكەنىن اتاپ ءوتتى.

«الىپ- ساتارلىققا جانە مۇناي بازالارىندا وتىندى «ۇستاپ تۇرۋعا» جول بەرمەۋ كەرەك، ويتكەنى بۇل ەلدىڭ ەنەرگەتيكالىق قاۋىپسىزدىگىنە تىكەلەي اسەر ەتەدى. م ك ك، ق م ا جانە ب ق د ا- دان جانارماي قۇيۋ ستانتياسىنداعى جاعدايدى باقىلاۋدى كۇشەيتۋدى سۇرايمىن. جانار- جاعارماي ماتەريالدارى بولا تۇرىپ، ونى ساتپاي وتىرعان نىساندار انىقتالسا، ولاردى زاڭ بويىنشا جاۋاپقا تارتۋ كەرەك. «قازمۇنايگاز» جانە ق ت ج زاۋىتتاردان جوسپارلانعان جانار- جاعارماي ماتەريالدارىنىڭ كولەمىن، اسىرەسە ديزەل وتىنىن ۋاقىتىلى جانە تولىعىمەن جونەلتۋدى جانە جەتكىزۋدى قامتاماسىز ەتۋى قاجەت»، - دەدى ر. سكليار.