پرەزيدەنت گۋربانگۋلى بەردىمۇحامەدوۆكە كوڭىل ايتۋ جەدەلحاتىن جولدادى
استانا. قازاقپارات - مەملەكەت باسشىسى تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆكە اناسى وگۋلابات بەردىمۇحامەدوۆانىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
«اناڭىز - قادىرلى وگۋلابات بەردىمۇحامەدوۆانىڭ قايتىس بولعانى تۋرالى قارالى حاباردى تەرەڭ كۇيزەلىسپەن قابىلدادىم. وگۋلابات ەدجەنىڭ ءومىر جولى ءوز وتانىنا جانە حالىققا دەگەن شىنايى سۇيىسپەنشىلىكتىڭ، سونداي- اق دانالىقتىڭ، رۋحاني بايلىقتىڭ جانە ۇلكەن مەيىرىمدىلىكتىڭ ۇلگىسى سانالادى. ورنى تولماس قايعىڭىزعا ورتاقتاسا وتىرىپ، قازاقستان حالقىنىڭ جانە جەكە ءوزىمنىڭ اتىمنان سىزگە جانە جاقىندارىڭىزعا كوڭىل ايتامىن»، - دەپ جازىلعان جەدەلحاتتا.
سونىمەن قاتار مەملەكەت باسشىسى قاسىم- جومارت توقايەۆ تۇرىكمەنستان پرەزيدەنتى سەردار بەردىمۇحامەدوۆكە كوڭىل ايتتى.
