مەديتسينا قىزمەتكەرلەرىنىڭ كاسىبي جاۋاپكەرشىلىگى ساقتاندىرىلماق

استانا. قازاقپارات - ەندى مەديتسينا قىزمەتكەرلەرىنىڭ كاسىبي جاۋاپكەرشىلىگى ساقتاندىرىلۋى مۇمكىن.

بۇل تۋرالى «اشىق» ن ق ا پورتالىندا جاريالانعان دەنساۋلىق ساقتاۋ ءمينيسترىنىڭ بۇيىرىق جوباسىندا جازىلعان، دەپ حابارلايدى قازاقپارات ءتىلشىسى.

«دەنساۋلىق ساقتاۋ سۋبەكتىلەرى مەديتسينا قىزمەتكەرلەرى كودەكستىڭ 64-بابى 1، 2، 3، 4، 5، 8- تارماقشالاردا كوزدەلگەن مەديتسينالىق قىزمەت ءتۇرىن جۇزەگە اسىرعانعا دەيىن مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ شارتىن جاساسۋعا مىندەتتى. مەديتسينالىق قىزمەتكەردىڭ كاسىبي جاۋاپكەرشىلىگىن ساقتاندىرۋ دەنساۋلىق ساقتاۋ سۋبەكتىسى جانە ءبىرىڭعاي ساقتاندىرۋ پۋلىنىڭ قاتىسۋشىسىمەن جاسالاتىن بىرلەسىپ ساقتاندىرۋ شارتى نەگىزىندە جۇزەگە اسىرىلادى. دەنساۋلىق ساقتاۋ سۋبەكتىسى مەديتسينالىق قىزمەتتى مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ شارتىن جاساسپاي جۇزەگە اسىرۋعا قۇقىلى ەمەس»، - دەپ جازىلعان بۇيرىق جوباسىندا.

ءمالىم بولعانداي، مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ شارتى جىل سايىن جاسالىپ وتىرۋى ءتيىس.

«مەديتسينالىق قىزمەتتى جۇزەگە اسىرۋ ناتيجەسىندە دەنساۋلىق ساقتاۋ سۋبەكتىسىنىڭ جانە مەديتسينا قىزمەتكەرىنىڭ پاتسيەنتكە ءومىرى مەن دەنساۋلىعىنا زيان كەلتىرۋى بويىنشا وقيعا ساقتاندىرۋ جاعدايى دەپ تانىلادى»، - دەلىنگەن ساقتاندىرۋ ەرەجەسىندە.

قۇجات 10- ساۋىرگە دەيىن كوپشىلىك تالقىلاۋدا بولادى.

قوسا كەتەيىك، بۇعان دەيىن قازاقستاندىق مەديتسينا قىزمەتكەرلەرىنىڭ جالاقىسى وسەتىنىن جازىپ ەدىك.