ۇشاق بيلەتىنىڭ قۇنىن بەلگىلەۋ كەزىندە قانداي شىعىندار ەسكەرىلەدى
وسى ورايدا ول ەلىمىزدە بيلەت قۇنىن قالىپتاستىرۋ سالاسىن رەتتەۋ ەسكەرىلمەگەنىن، بۇل باعىتتا نارىقتىق تەتىك قولدانىلىپ جاتقانىن جەتكىزدى.
ۆيتسە-ءمينيستردىڭ ايتۋىنشا، تاريف قۇرىلىمىندا نەگىزىنەن جانارماي قۇنى، ۇشاقتى پايدالانۋ كەزىندەگى شىعىندار، ليزينگ، اۋەجاي قىزمەتى مەن ەڭبەكاقى قورى ەسكەرىلەدى.
«ىشكى نارىقتا اۆياكەروسيننىڭ تاپشىلىعى جانە ونىڭ قىمبات بولۋى - ەلدەگى ازاماتتىق اۆياتسيانىڭ دامۋىن تەجەيتىن، سونداي-اق باعا بەلگىلەۋگە اسەر ەتەتىن نەگىزگى فاكتورلاردىڭ ءبىرى. 2022-جىلى اۆياكەروسيندى ءوندىرۋ مەن تۇتىنۋ اراسىندا تەڭگەرىمسىزدىك بولدى. ءوندىرۋ كولەمى شامامەن 650 مىڭ توننا بولسا، ال جاعىلعان وتىن 806 مىڭ تونناعا جەتتى»، - دەدى ا. ىدىرىسوۆ سەناتتا ەلىمىزدەگى اۋە كولىگى ماسەلەلەرىنە قاتىستى جيىن بارىسىندا.
ونىڭ ايتۋىنشا، اۋە اۆياكومپانيالارى شىعىندارىنىڭ 80 پايىزعا جۋىعى شەتەل ۆاليۋتاسىمەن تولەنەدى. سونىڭ ىشىندە اۋە كەمەلەرىن ساتىپ الۋ نەمەسە ليزينگكە الۋ، قوسالقى بولشەكتەردى جەتكىزۋ جانە باسقا دا شىعىندار.
