قازاقستاننىڭ دۇنيەجۇزىلىك باسپا ءسوز بوستاندىعى رەيتينگىندەگى پوزيتسياسى جاقسارتىلماق
بۇل تۋرالى «اشىق» ن ق ا پورتالىندا جاريالانعان «ينتەرنەت-جارناما جانە ونلاين-پلاتفورمالار تۋرالى» زاڭ جوباسىنا قوسىمشا كونسۋلتاتيۆتىك قۇجاتىندا جازىلعان، دەپ حابارلايدى قازاقپارات ءتىلشىسى.
ايتا كەتەيىك، اقپارات جانە قوعامدىق دامۋ مينيسترلىگى ينتەرنەتتەگى جارناما مەن ونلاين پلاتفورمالاردىڭ قىزمەتىن رەتتەيتىن جاڭا زاڭ ازىرلەۋدى ۇسىندى. ويتكەنى، قازىرگى زاڭناما تالاپتارى قۇقىق اياسىندا جۇمىس ىستەيتىن كاسىبي جۋرناليستەر مەن رەتتەلمەيتىن ونلاين پلاتفورمالار اراسىنداعى باسەكەلەستىكتە تەڭ مۇمكىندىك بەرمەيدى.
سوندىقتان، قابىلدانۋى مۇمكىن زاڭ اتالعان ماسەلەلەردى شەشۋدە باستى قۇرال رەتىندە قولدانىلادى. سونداي-اق، ونىڭ شەڭبەرىندە ەلىمىزدەگى ب ا ق- تىڭ الەمدىك رەيتينگىدەگى پوزيتسياسىن جاقسارتۋ جوسپارلانعان.
«شەكاراسىز رەپورتەرلەر» حالىقارالىق ۇكىمەتتىك ەمەس ۇيىمى قالىپتاستىراتىن دۇنيەجۇزىلىك باسپا ءسوز بوستاندىعى يندەكسىندە قازاقستان رەسپۋبليكاسىن ءبىر پوزيتسياعا ىلگەرىلەتۋ كوزدەلگەن. اتاپ ايتقاندا، قازاقستان 2022-جىلى رەيتينگىدە 122-ورىندا بولدى»، - دەلىنگەن «اشىق» ن ق ا پورتالىندا جاريالانعان كونسۋلتاتيۆتىك قۇجاتتا.
