اسىل تۇقىمدى جىلقىعا ارناپ زاڭ شىعارۋ ورىنسىز - ءاليحان سمايىلوۆ
«قازىرگى تاڭدا عىلىمي-تەحنيكالىق تاپسىرما ازىرلەندى. كەيىن ول عىلىم جانە جوعارى ءبىلىم مينيسترلىگىنىڭ قاراۋىنا ەنگىزىلەدى. جوعارىدا ايتىلعانداردى ەسكەرە وتىرىپ، قوستاناي تەكتى قازاقي جىلقى تۇقىمىن ساقتاۋ جانە مولايتۋ ماسەلەسى بويىنشا جەكە زاڭ ازىرلەۋ ورىندى ەمەس دەپ ەسەپتەيمىز»، - دەپ جازدى ۇكىمەت باسشىسى.
پرەمەر-ءمينيستردىڭ جاۋابىندا، اتالعان ماسەلەنى رەتتەيتىن زاڭ ەلىمىزدە ونسىز دا بار.
«اسىل تۇقىمدى مال شارۋاشىلىعى تۋرالى» زاڭ اياسىندا اسىل تۇقىمدى مالداردىڭ گەنوفوندىن ساقتاۋ جانە كوبەيتۋ، سونداي-اق ولاردىڭ ونىمدىلىك قاسيەتتەرىن مولايتۋ جانە جاقسارتۋ، اسىل تۇقىمدى مال شارۋاشىلىعى سالاسىندا جۇمىس ىستەيتىن مەملەكەتتىك ورگانداردىڭ، جەكە جانە زاڭدى تۇلعالاردىڭ قىزمەتىن رەتتەۋ كوزدەلگەن»، - دەلىنگەن جاۋاپتا.
ەسكە سالساق، بىلتىر پرەزيدەنت قاسىم-جومارت توقايەۆ ۇكىمەتكە اداي جىلقىسىن عىلىمي تۇردە اسىل تۇقىمدى مال رەتىندە تانىپ، سانىن كوبەيتۋ ءۇشىن ءتيىستى جۇمىستاردى جەدەل قولعا الۋدى تاپسىرعان بولاتىن.
