12:27, 05 - ءساۋىر 2023 | GMT +5
باس پروكۋراتۋرا سەرىك كۇدەبايەۆتىڭ قاشىپ كەتۋ فاكتىسىنە قىلمىستىق ءىس قوزعادى
استانا. قازاقپارات - باس پروكۋراتۋرا سەرىك كۇدەبايەۆتىڭ قاشىپ كەتۋ فاكتىسىمەن قىلمىستىق ءىس قوزعادى. بۇل تۋرالى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - شەكارا قىزمەتىنىڭ ديرەكتورى ەرلان الداجۇمانوۆ ايتتى، دەپ حابارلايدى قازاقپارات ءتىلشىسى.
«قانداي دا ءبىر اقپاراتتىڭ شىعۋىنا قاراي ءبىز قاجەت بولعان جاعدايدا وزگە ەلدەرگە، ونىڭ ىشىندە رەسەيگە دە جۇگىنەتىن بولامىز. اقپاراتتىڭ تۇسۋىنە بايلانىستى بارلىق ەلگە جۇگىنەمىز. قازىرگى ۋاقىتتا اتالعان فاكتى بويىنشا باس پروكۋراتۋرا قىلمىستىق ءىس قوزعادى»، - دەدى ەرلان الداجۇمانوۆ ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.
ەسكە سالا كەتەيىك، 3-ساۋىردە سەرىك كۇدەبايەۆقا حالىقارالىق ىزدەۋ جاريالانعان بولاتىن.
الايدا، بۇگىن كۇدىكتىنىڭ ەل اۋماعىنان تىسقارى بوي تاسالاعانىن شەكارا قىزمەتى ناۋرىزدىڭ 27- كۇنى بىلگەنى انىقتالدى.
اۆتور
مارلان جيەمباي
