ءماجىلىس توتەنشە جاعدايلار جانە دۇلەي ءزىلزالالاردىڭ قاۋىپ- قاتەرىن ازايتۋ ورتالىعىنا قاتىستى زاڭ قابىلدادى

استانا. قازاقپارات - ءماجىلىستىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن توتەنشە جاعدايلار جانە دۇلەي ءزىلزالالاردىڭ قاۋىپ- قاتەرىن ازايتۋ جونىندەگى ورتالىق اراسىنداعى قازاقستان رەسپۋبليكاسىنىڭ اۋماعىندا ونىڭ بولۋ شارتتارى تۋرالى كەلىسىمدى راتيفيكاتسيالاۋ تۋرالى» زاڭدى قابىلدادى، دەپ حابارلايدى قازاقپارات ءتىلشىسى.

«كەلىسىم 2014 -جىلعى 14- ساۋىردەگى № 191-V قازاقستان رەسپۋبليكاسىنىڭ زاڭىمەن راتيفيكاتسيالانعان 2013 -جىلعى 17- مامىرداعى قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى توتەنشە جاعدايلار جانە دۇلەي ءزىلزالالاردىڭ قاۋىپ- قاتەرىن ازايتۋ جونىندەگى ورتالىقتى قۇرۋ تۋرالى كەلىسىمنىڭ 6-بابىن جۇزەگە اسىرۋ ءۇشىن جاسالدى. كورسەتىلگەن كەلىسىمنىڭ 6-بابىندا ورتالىقتىڭ بولۋ شارتتارى قازاقستان رەسپۋبليكاسىنىڭ ۇكىمەتى مەن ورتالىق اراسىنداعى جەكە حالىقارالىق شارتپەن ايقىندالاتىنى بەلگىلەنەدى. قازاقستان رەسپۋبليكاسىنىڭ اۋماعىندا توتەنشە جاعدايلار جانە دۇلەي ءزىلزالالاردىڭ قاۋىپ- قاتەرىن ازايتۋ جونىندەگى ورتالىق حالىقارالىق ۇيىم رەتىندە ءوزىنىڭ ماقساتتارى مەن مىندەتتەرىن ورىنداۋ ءۇشىن قاجەتتى جاعدايلاردى قامتاماسىز ەتۋ كەلىسىمدە كوزدەلەدى»، - دەدى زاڭ جوباسىن تانىستىرعان توتەنشە جاعدايلار ءمينيسترى يۋريي يلين.

ءمينيستردىڭ اتاپ وتۋىنشە، 2016-جىلدان باستاپ ورتالىق ءوڭىر مەملەكەتتەرىنىڭ توتەنشە ۆەدومستۆولارىمەن، حالىقارالىق جانە ۇكىمەتتىك ەمەس ۇيىمدارمەن بىرلەسىپ، ءزىلزالالار مەن توتەنشە جاعدايلاردىڭ قاۋپىن ازايتۋ سالاسىندا، ونىڭ ىشىندە اتقارۋشى اگەنتتىك رەتىندە 30-دان استام باعدارلامالار مەن جوبالاردى ىسكە اسىردى جانە ىسكە اسىرۋدى جالعاستىرۋدا. 11 جوبا قازاقستان رەسپۋبليكاسىنىڭ دامۋىنا تىكەلەي ۇلەس قوسادى.

«ورتالىق الاڭىندا قازاقستاننىڭ، شەت مەملەكەتتەردىڭ، ب ۇ ۇ جانە باسقا دا حالىقارالىق ۇيىمداردىڭ تاجىريبەلى ساراپشىلارىن تارتا وتىرىپ، 163 حالىقارالىق ءىس- شارالار، سەمينارلار مەن ترەنينگتەر وتكىزىلدى. قازاقستان رەسپۋبليكاسى مەملەكەتتىك ورگاندارىنىڭ ءبىر جارىم مىڭنان استام وكىلى ءزىلزالالار قاۋپىن ازايتۋ مەن توتەنشە جاعدايلار سالاسىندا الەمدىك قوعامداستىق ازىرلەگەن ۇزدىك تاجىريبەلەرگە وقىتىلدى. بۇگىنگى كۇنى ورتالىق سەرىكتەستەرمەن بىرلەسىپ، ءزىلزالالار قاۋپىن ازايتۋ مەن توتەنشە جاعدايلار سالاسىندا 60-تان استام زەرتتەۋ، تالدامالىق، ادىستەمەلىك ازىرلەمەلەر، وقۋ- ادىستەمەلىك، اقپاراتتىق جانە ەسەپتىك ماتەريالداردى ازىرلەپ، ورتالىقتىڭ سايتىندا ورنالاستىردى. ىنتىماقتاستىق ءۇشىن قۇقىقتىق بازا قۇرۋ ماقساتىندا ورتالىق حالىقارالىق، ۇكىمەتتىك ەمەس، عىلىمي، ءبىلىم بەرۋ جانە وزگە دە ۇيىمدارمەن 31 مەموراندۋمعا قول قويدى»، - دەدى ول.

اۆتور

مارلان جيەمباي