قازاقستان مەن قىتاي اراسىندا ترانسكاسپي كولىك باعىتىن دامىتۋ جولدارى تالقىلاندى
ماسەلە ق ر يندۋستريا جانە ينفراقۇرىلىمدىق دامۋ ءمينيسترى مارات قارابايەۆ پەن قىتاي حالىق رەسپۋبليكاسىنىڭ قازاقستانداعى ەلشىسى چجان سياومەن كەزدەسۋدە كوتەرىلدى، دەپ حابارلايدى قازاقپارات.
مينيسترلىكتىڭ باسپا ءسوز قىزمەتىنەن ءمالىم ەتكەندەي، كەزدەسۋ بارىسىندا ەكىجاقتى ساۋدا-ەكونوميكالىق ارىپتەستىكتىڭ پەرسپەكتيۆاسى تالقىلاندى.
اتاپ ايتقاندا، كەزدەسۋدە كولىك-ترانزيت، ازاماتتىق اۆياتسيا جانە ونەركاسىپ سالالارىنداعى ىنتىماقتاستىقتى ارتتىرۋ ماسەلەلەرى قارالدى. ونىڭ ىشىندە جاڭا يندۋستريالىق ءوندىرىس ورىندارىن قۇرۋ جانە ترانسكاسپي حالىقارالىق كولىك باعىتىن دامىتۋ جولدارى تالقىلاندى.
كەزدەسۋ باراسىندا 2022-جىلى قازاقستان مەن قىتاي اراسىنداعى ەكسپورتتىق-يمپورتتىق جانە ترانزيتتىك جۇك تاسىمالدارىنىڭ جالپى كولەمى 3 ميلليون تونناعا ارتقانى ەرەكشە اتاپ ءوتىلدى.
مارات قارابايەۆ ايتىپ وتكەندەي، جىل سايىن ەكى ەل اراسىندا جۇكتى كولىكپەن تاسىمالداۋعا قاتىستى 50 مىڭنان استام كولەمدە قاعازداعى رۇقسات بلانكىلەرىمەن الماسۋ جۇرەدى.
«رۇقسات قۇجاتتارىمەن الماسۋ پروتسەسىن جەڭىلدەتۋ جانە مەملەكەتتەرىمىزدىڭ اۆتوتاسىمالداۋشىلارىنىڭ قولايلىعى ءۇشىن ولاردى سيفرلاندىرۋدى ۇسىنامىز»، - دەدى مارات كارىمجان ۇلى.
سونىمەن قاتار ەكى ەلدىڭ شالعايداعى ونەركاسىپتىك جانە تەڭىز پورتتارى ورنالاسقان وڭىرلەرگە جۇك تاسىمالىن قامتاماسىز ەتۋ ءۇشىن قوسىمشا مارشرۋتتاردى بەلگىلەۋ ۇسىنىلدى.
بۇدان بولەك ق ر ي ي د م باسشىسى تۇراقتى اۆيارەيستى ۇلعايتۋ بويىنشا جۇمىستى جالعاستىرۋعا دايىن ەكەندىگىن ايتتى. م. قارابايەۆتىڭ سوزىنشە، بيىلعى كوكتەم-جاز ارالىعىندا اپتاسىنا 24 رەيسكە دەيىن ىسكە اسىرۋ كوزدەلگەن.
كەزدەسۋدىڭ قورىتىندىسىنا سايكەس ەكى مەملەكەتتىڭ رەسمي وكىلدەرى ىسكەرلىك اڭگىمەگە ريزاشىلىقتارىن جەتكىزىپ، ءوزارا ءتيىمدى ارىپتەستىكتى دامىتۋدىڭ ماڭىزدىلىعىن اتاپ ءوتتى.
