ەربول قاراشوكەيەۆ اۋىل شارۋاشىلىعى ءمينيسترى بولىپ قايتا تاعايىندالدى

استانا. قازاقپارات - مەملەكەت باسشىسىنىڭ جارلىعىمەن ەربول شىراقپاي ۇلى قاراشوكەيەۆ قازاقستان رەسپۋبليكاسىنىڭ اۋىل شارۋاشىلىعى ءمينيسترى لاۋازىمىنا تاعايىندالدى. قازاقپارات بۇل تۋرالى اقورداعا سىلتەمە جاساپ حابارلايدى.

ەربول شىراقپاي ۇلى قاراشوكەيەۆ1976-جىلى 26- قاراشادا الماتى وبلىسىندا دۇنيەگە كەلگەن.

ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازىرگى زامان گۋمانيتارلىق ينستيتۋتىن بىتىرگەن.

ماماندىعى بويىنشا بىلىكتىلىگى - ەكونوميست، ەكونوميكا ماگيسترى، قۇقىقتانۋ باكالاۆرى، باكالاۆر اكادەميالىق دارەجەسى بەرىلگەن مەنەدجمەنت سالاسىنىڭ مامانى.

ەڭبەك جولىن 1998 -جىلى قر ستاتيستيكا اگەنتتىگىنىڭ تالداۋ جانە كونيۋنكتۋرالىق زەرتتەۋلەر باسقارماسىنىڭ باس مامانى بولىپ باستاعان، 1999-2001-جىلدارى ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق تالداۋ ءبولىمىنىڭ كونسۋلتانتى بولدى.

2001-جىلدان 2003-جىلعا دەيىن كوممەرتسيالىق ۇيىمداردا باسشىلىق لاۋازىمدار اتقاردى.

2003-2006-جىلدارى «ەكسپورتتىق نەسيەلەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» ا ق قارجى دەپارتامەنتىنىڭ ديرەكتورى - باسقارما مۇشەسى.

2006-2007-جىلدارى ق ر قارجى مينيسترلىگىنىڭ جيىنتىق-تالداۋ دەپارتامەنتىنىڭ ديرەكتورى.

2007-جىلعى قاڭتار-شىلدە ارالىعىندا «قازاگرو» ۇلتتىق باسقارۋشى حولدينگى» ا ق باسقارۋشى ديرەكتورى.

2007-2009-جىلدارى «اۋىل شارۋاشىلىعىن قارجىلاي قولداۋ قورى» ا ق باسقارما ءتوراعاسى.

2010-2012-جىلدارى رەسپۋبليكالىق بيۋجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «قارجىلىق بۇزۋشىلىقتاردى زەرتتەۋ ورتالىعى» ر م ك ديرەكتورى.

2012-جىلدان 2013-جىلعا دەيىن «ق ب ت ۋ مۇناي-گاز ينجينيرينگى جانە اقپاراتتىق تەحنولوگيالار ينستيتۋتى» ج ش س باس ديرەكتورى.

2013-2016-جىلدارى «قازاقستاننىڭ تۇرعىن ءۇي قۇرىلىس جيناق بانكى» ا ق باسقارما ءتوراعاسىنىڭ ورىنباسارى.

2016-2019-جىلدارى ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.

2019-جىلدىڭ قاڭتار-ءساۋىر ايلارى ارالىعىندا ق ر قارجى مينيسترلىگى قازىناشىلىق كوميتەتىنىڭ ءتوراعاسى.

2019-جىلدىڭ ساۋىرىنەن 2021-جىلدىڭ ناۋرىزىنا دەيىن «قازاگرو» حولدينگى» ا ق باسقارما ءتوراعاسى.

2021-جىلدىڭ ءساۋىر-شىلدە ارالىعىندا ق ر قارجى ۆيتسە-ءمينيسترى.

2021-جىلعى شىلدەدەن باستاپ – ق ر اۋىل شارۋاشىلىعى ۆيتسە-ءمينيسترى - ءمينيسترىنىڭ مىندەتتەرىن اتقارۋشى.

قازاقستان رەسپۋبليكاسىنىڭ پرەزيدەنتى ق. توقايەۆتىڭ 2021-جىلعى 1- قىركۇيەكتەگى جارلىعىمەن ق ر اۋىل شارۋاشىلىعى ءمينيسترى بولىپ تاعايىندالدى.

2022-جىلعى 11- قاڭتاردا ق ر پرەزيدەنتىنىڭ جارلىعىمەن قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ قايتا تاعايىندالدى.