شەتەلدىكتەر ەلىمىزدە قانداي ماۋسىمدىق جۇمىستارعا تارتىلادى

استانا. قازاقپارات - ەڭبەك جانە حالىقتى الەۋمەتتىك قورعاۋ مينيسترلىگى «ماۋسىمدىق شەتەلدىك جۇمىسكەرلەردىڭ ەڭبەك قىزمەتىن جۇزەگە اسىرۋى ءۇشىن كاسىپتەردىڭ تىزبەسىن بەكىتۋ تۋرالى» بۇيرىعىن جاريالادى، دەپ حابارلايدى قازاقپارات ءتىلشىسى.

«حالىقتىڭ كوشى-قونى تۋرالى» 2011-جىلعى 22- شىلدەدەگى ق ر زاڭىنىڭ 11-بابى 14-6 تارماقشاسىنا سايكەس بۇيىرامىن: قوسا بەرىلىپ وتىرعان ماۋسىمدىق شەتەلدىك جۇمىسكەرلەردىڭ ەڭبەك قىزمەتىن جۇزەگە اسىرۋى ءۇشىن كاسىپتەردىڭ تىزبەسى بەكىتىلسىن»، - دەلىنگەن اشىق ن ق ا پورتالىندا جاريالانعان مينيستر بۇيىرىعىندا.

قۇجاتتا كورسەتىلگەندەي، ماۋسىمدىق ەڭبەك ءۇشىن شەتەلدىك جۇمىس كۇشى تارتىلاتىن كاسىپتەردىڭ تىزبەسىنە مىنا سالالار ەندى:

- باعباندار جانە باقشاشىلار؛

- ەگىنشىلەر جانە كوكونىسشىلەر؛

- تەمەكى ونىمدەرىن دايىنداۋ جونىندەگى جۇمىسشىلار؛

- وسىمدىك شارۋاشىلىعىندا بىلىكتىلىگى جوق جۇمىسشىلار؛

- مال شارۋاشىلىعىندا بىلىكتىلىگى جوق جۇمىسشىلار؛

- ارالاس وسىمدىك جانە مال شارۋاشىلىعى ونىمدەرىن وندىرۋدە بىلىكتىلىگى جوق جۇمىسشىلار.

بۇيىرىق جوباسى 17- ساۋىرگە دەيىن كوپشىلىك تالقىلاۋدا بولادى.