قازاقستاندا قانشا ا ق ش كومپانياسى جۇمىس ىستەپ تۇر

استانا. قازاقپارات - ساۋدا جانە ينتەگراتسيا مينيسترلىگى قازاقستان مەن ا ق ش اراسىنداعى ساۋدا-ساتتىق پەن ينۆەستيتسيالىق ارىپتەستىك تۋرالى اقپارات جاريالادى، دەپ حابارلايدى قازاقپارات ءتىلشىسى.

«قازاقستان رەسپۋبليكاسى مەن ا ق ش اراسىنداعى قارىم-قاتىناس ءوزارا تۇسىنىستىك پەن سەنىم اتموسفەراسىندا دامىپ جاتىر. مۇنى بارلىق دەڭگەيدەگى بايلانىستىڭ وڭ ديناميكاسى راستايدى»، - دەلىنگەن مينيسترلىك مالىمەتىندە.

مينيسترلىك دەرەگىنە سۇيەنسەك، قازاقستاندا ا ق ش زاڭدى تۇلعالارىنىڭ قاتىسۋىمەن 688 كومپانيا جۇمىس ىستەيدى.

ونىڭ 666 سى شاعىن، 13 ءى ورتا، 9 ى ءىرى كاسىپورىن.

قاڭتار ايىندا ەكى ەلدىڭ اراسىنداعى ساۋدا اينالىمىنىڭ كولەمى 201,4 ميلليون دوللارعا جەتكەن.

2022-جىلعى قاڭتار-قىركۇيەكتە ا ق ش- تان قازاقستانعا تارتىلعان تىكەلەي شەتەلدىك ينۆەستيتسيا اعىنى 5 ميلليارد دوللار بولعان.

2022-جىلى قازاقستاننان ا ق ش- قا جاسالعان ەكسپورت كولەمى 1,2 ميلليارد دوللار نەمەسە 32,1 پايىزعا ۇلعايعان.

ال يمپورت 1,9 ميلليارد دوللار بولىپ، 2021-جىلمەن سالىستىرعاندا 40,5 پايىز وسكەن. ونىڭ 23,7 ميلليون دوللارى - ەكسپورت بولسا، 177,7 ميلليون دوللارى - يمپورت.

دەگەنمەن بۇل 2022-جىلدىڭ قاڭتارىمەن سالىستىرعاندا ايتارلىقتاي تومەن.

بىلتىر قاڭتاردا ا ق ش- قا 30,2 ميلليون دوللاردىڭ ەكسپورتى جاسالىپ، 226,6 ميلليون دوللاردىڭ يمپورتى قازاقستانعا اكەلىنگەن بولاتىن.

قازاقستاننان ا ق ش- قا ەكسپورتتالعان نەگىزگى تاۋارلار: شيكى مۇناي - 558,1 ميلليون دوللار (ۇلەسى 48,4 پايىز)، فەرروقورىتپالار - 435,8 ميلليون دوللار (37,8 پايىز)، سۋتەگى، ينەرتتى گازدار جانە وزگە دە بەيمەتالدار - 28 ميلليون دوللار (2,4 پايىز)، قارا مەتالداردان جاسالعان قۇبىرلار، تۇتىكتەر جانە جىكسىز پروفيلدەر - 22,8 ميلليون دولار (2 پايىز)، تانتال جانە ودان جاسالعان بۇيىمدار - 22,5 ميلليون دوللار (2 پايىز)، كۇكىرت - 221 ميلليون دوللار (1,8 پايىز)، ۋران - 9,7 ميلليون دوللار (0,84 پايىز)، قورعاسىن - 8,6 ميلليون دوللار (0,74 پايىز)، ءبيداي گليۋتەنى - 7,2 ميلليون دوللار (0,62 پايىز).