رەسەي مەن ۋكراينا قارىم-قاتىناسىنداعى قازاقستان ۇستانىمى ۇلتتىق مۇددەگە نەگىزدەلگەن –س ءى م
ونىڭ اتاپ وتۋىنشە، قاسىم-جومارت توقايەۆ قازاقستان مەن رەسەي اراسىنداعى ۇزاق مەرزىمدى ستراتەگيالىق قارىم-قاتىناستى ەسكەرە وتىرىپ، ۆلاديمير پۋتينمەن سويلەسىپ تۇرادى. جانە دە بۇل قاتىناس جالعاساتىن بولادى.
«قازاقستان مەن رەسەي كورشىلەس. ءبىزدى الەمدەگى ەڭ ۇزىن 7,5 مىڭ شاقىرىمعا سوزىلعان شەكارا بىرىكتىرمەيدى، بايلانىستىرادى. قازاقستاندا 3,5 ميلليون ادامدى قۇرايتىن ورىس قاۋىمى تۇرىپ جاتسا، شامامەن 1 ميلليونعا جۋىق ەتنيكالىق قازاق - رەسەي ازاماتى. بۇل ءبىزدىڭ قارىم- قاتىناسىمىزدىڭ قوسىمشا فاكتورى. بۇعان قوسا، قازاقستان دا، رەسەي دە ەۋرازيالىق ەكونوميكالىق وداقتىڭ مۇشەسى. رەسەي - قازاقستاننىڭ ءىرى ساۋدا سەرىكتەسى. ارينە، سوندىقتان دا بۇل قارىم-قاتىناس ساقتالادى ءارى جالعاسادى»، - دەدى رومان ۆاسيلەنكو باسىلىم ساۋالىنا جاۋاپ بەرە كەلە.
ول رەسەي مەن ۋكراينا اراسىنداعى جانجالعا قاتىستى قازاقستان ءوزىنىڭ ناقتى ۇستانىمىن ايقىنداعانىن ەسكە سالىپ ءوتتى. بۇل ۇستانىم بۇۇ جارعىسى نەگىزىندە ۋكراينانى قوسا العاندا، بارلىق مەملەكەتتىڭ اۋماقتىق تۇتاستىعىن قۇرمەتتەۋ قاجەتتىگىنە نەگىزدەلەدى.
«قازاقستان ءۇشىن بۇل مارستا نەمەسە ايدالادا ءوتىپ جاتقان جانجال ەمەستىگىن ءتۇسىنۋ قاجەت. بۇل اتالعان ەكى مەملەكەتتىڭ تاريحىنداعى جانە دە بۇكىل ادامزات ءۇشىن، 20 ميلليون تۇرعىنىنىڭ 3,5 ميلليونى ورىستار، 250 مىڭى ەتنيكالىق ۋكرايندىقتار سانالاتىن قازاقستان ءۇشىن وتە جانعا باتاتىن، قاسىرەتتى جاعدايلار»، - دەدى ول.
رومان ۆاسيلەنكونىڭ اتاپ وتۋىنشە، قازاقستان قان توگىستى توقتاتۋعا جانە ونى رەتتەۋگە ءوز ۇلەسىن قوسۋعا بار كۇش-جىگەرىن سالىپ كەلەدى. سوندىقتان دا ق ر پرەزيدەنتى بىرنەشە مارتە رەسەي مەن ۋكراينا ءۇشىن ارااعايىندىق قاجەت بولعان جاعدايدا قازاقستان كومەك قولىن سوزۋعا دايىن ەكەندىگىن اتاپ ءوتتى.
«سول سەبەپتى ءبىز قازىرگى تۇرعان ۇستانىمىزدى ساقتاپ قالامىز. ول ءبىزدىڭ ءوزىمىزدىڭ ۇلتتىق مۇددەمىزگە نەگىزدەلگەن»، - دەدى سىرتقى ىستەر ءمينيسترىنىڭ ورىنباسارى.
