التاي كولگىنوۆ ۇكىمەت باسشىسىنىڭ ورىنباسارى لاۋازىمىندا قالدى
قازاقپارات بۇل تۋرالى اقورداعا سىلتەمە جاساپ حابارلايدى.
ايتا كەتەيىك، پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ وتىرىسىندا پرەمەر-ءمينيستردىڭ ورىنباسارى لاۋازىمىنا التاي كولگىنوۆتىڭ كانديداتۋراسى كەلىسىلدى.
ءوزىنىڭ لاۋازىمدىق مىندەتتەرى اياسىندا كەلەسى ماسەلەلەرگە جاۋاپتى:
ءبىلىم جانە عىلىم؛
- دەنساۋلىق ساقتاۋ؛
- الەۋمەتتىك جاڭعىرتۋ، الەۋمەتتىك ساياسات، جۇمىسپەن قامتۋ؛
مەملەكەت پەن ازاماتتىق قوعامنىڭ ءوزارا ءىس-قيمىلى؛
- مەملەكەتتىك جاستار جانە وتباسى ساياساتى؛
- كونفەسسياارالىق جانە ەتنوسارالىق تاتۋلىقتى قامتاماسىز ەتۋ؛
- مادەنيەت پەن سپورتتى دامىتۋ؛
- مەملەكەتتىك ءتىلدى دامىتۋ؛
- دەموگرافيالىق جانە كوشى-قون ساياساتى؛
- اقپارات؛
- تۋريزمدى دامىتۋ؛
- الەۋمەتتىك ارىپتەستىك، الەۋمەتتىك جانە ەڭبەك قاتىناستارىن رەتتەۋ جونىندەگى ءۇشجاقتى كوميسسيالاردىڭ (رەسپۋبليكالىق، وڭىرلىك جانە سالالىق) جۇمىسى.
التاي سەيدىر ۇلى كولگىنوۆ
1978-جىلى 15 قاڭتاردا دۇنيەگە كەلگەن.
ق. ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىن، ق ر پرەزيدەنتى جانىنداعى مەملەكەتتىك باسقارۋ اكادەمياسىن، «بولاشاق» باعدارلاماسى بويىنشا ۇلى بريتانيانىڭ ابەردين ۋنيۆەرسيتەتىن بىتىرگەن. مەملەكەتتىك جانە جەرگىلىكتى باسقارۋ ماگيسترى، حالىقارالىق كوممەرتسيالىق قۇقىق ماگيسترى.
2001-2008-جىلدارى قازاقستان رەسپۋبليكاسى ادىلەت مينيسترلىگى، مەملەكەتتىك قىزمەت ىستەرى اگەنتتىگى جانە باس پروكۋراتۋرا ورگاندارىندا ءار ءتۇرلى لاۋازىمدا قىزمەت اتقارادى.
2008-2010-جىلدارى جەكە مەنشىك كومپانيادا قىزمەت ەتتى.
2010-2012-جىلدارى ق ر پرەزيدەنتى اكىمشىلىگىنىڭ اۋماقتىق-ۇيىمداستىرۋ جانە مەملەكەتتىك باقىلاۋ جۇمىستارى ءبولىمىنىڭ مەملەكەتتىك ينسپەكتورى قىزمەتىن اتقاردى.
2012-2013-جىلدارى - باتىس قازاقستان وبلىسى اكىمىنىڭ ورىنباسارى.
2013-2016-جىلدارى ورال قالاسىنىڭ اكىمى قىزمەتىندە بولدى.
2016-2019-جىلدارى باتىس قازاقستان وبلىسىنىڭ اكىمى بولدى.
2019-جىلعى ماۋسىمنان 2022-جىلعى جەلتوقسان ارالىعىندا - استانا قالاسىنىڭ اكىمى.
2022-جىلعى 9- جەلتوقساندا قازاقستان رەسپۋبليكاسى پرەزيدەنتىنىڭ جارلىعىمەن پرەمەر-ءمينيستردىڭ ورىنباسارى بولىپ تاعايىندالدى.
