مەملەكەتتىك قىزمەتشىلەردىڭ العاشقى لەگى جاڭا تارتىپپەن باسشىلىق لاۋازىمعا تاعايىندالدى

استانا. قازاقپارات - وتكەن جىلدىڭ سوڭىنان باستاپ قازاقستاندا مەملەكەتتىك قىزمەتشىلەردى تاعايىنداۋدىڭ جاڭا ءتارتىبى ەنگىزىلدى، دەپ حابارلايدى قازاقپارات ءتىلشىسى.

وزگەرىسكە ساي، كانديداتتار «ب» كورپۋسى بويىنشا مەملەكەتتىك قىزمەتكە كونكۋرستان تىس تاعايىندالادى.

«بۇل وزگەرىستەر بىلتىر 30- جەلتوقساندا مەملەكەت باسشىسى قول قويعان زاڭمەن قولدانىسقا ەنگىزىلدى. وسىعان باينالىستى اگەنتتىك كەلىسىمى نەگىزىندە مەملەكەتتىك ورگانداردىڭ 31 قۇرىلىمدىق بولىمشەسىنىڭ باسشىسى كونكۋرستىق ىرىكتەۋسىز تاعايىندالدى»، - دەدى ق ر مەملەكەتتىك قىزمەت ىستەرى اگەنتتىگى ءتوراعاسىنىڭ سيفرلاندىرۋ جونىندەگى ورىنباسارى اينۇر سەرعازيەۆا پارلامەنت سەناتىنىڭ دەپۋتاتتارىمەن كەزدەسۋدە.

ونىڭ ايتۋىنشا، اقپان ايىنان باستاپ GPA ۇلگەرىمىنىڭ ورتاشا بالى 3.33 بولىپ بەكىتىلدى. ونىڭ نەگىزىندە مەملەكەتتىك باسقارۋ اكادەمياسىنىڭ جانە باسقا دا وقۋ ورىندارىنىڭ تۇلەكتەرىن كونكۋرستىق ىرىكتەۋسىز تىكەلەي تاعايىنداۋ جۇزەگە اسىرىلادى.

«قازىرگى ۋاقىتتا ۇزدىك تۇلەكتەر كونكۋرستىق ىرىكتەۋسىز لاۋازىمدارعا تاعايىندالۋى مۇمكىن. سونىمەن قاتار، مەملەكەتتىك قىزمەتكە كىرۋ جانە ودان شىعۋ ءتارتىبىن وڭتايلاندىرۋ، مەريتوكراتيا قاعيداتىن ىلگەرىلەتۋ جۇمىستارى جۇيەلى نەگىزدە جۇرگىزىلىپ جاتىر»، - دەپ توقتالدى ول.