پرەزيدەنت ماجىلىستەگى ساياسي پارتيالار فراكسيالارىنىڭ جەتەكشىلەرىمەن كەڭەس وتكىزدى

استانا. قازاقپارات - پرەزيدەنت قاسىم-جومارت توقايەۆ قازاقستان رەسپۋبليكاسى پارلامەنتى ماجىلىسىندەگى ساياسي پارتيالار فراكسيالارىنىڭ جەتەكشىلەرىمەن كەڭەس وتكىزدى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

كەزدەسۋدە مەملەكەت باسشىسى كونستيتۋتسيانىڭ 44-بابىنا سايكەس پرەمەر-مينيستر لاۋازىمىنا ۇسىنىلاتىن كانديداتۋرا جونىندە فراكتسيا باسشىلارىمەن كەڭەسۋگە ءتيىس ەكەنىن ايتتى.

تالقىلاۋعا «Amanat» پارتياسى فراكسياسىنىڭ جەتەكشىسى ەلنۇر بەيسەنبايەۆ، «اۋىل» پارتياسى فراكسياسىنىڭ جەتەكشىسى اناس باققوجايەۆ، «اق جول» پارتياسى فراكسياسىنىڭ جەتەكشىسى ازات پەرۋاشەۆ، «Respublica» پارتياسى فراكسياسىنىڭ جەتەكشىسى ايداربەك حوجانازاروۆ، قازاقستان حالىق پارتياسى فراكسياسىنىڭ جەتەكشىسى ماگەررام ماگەرراموۆ، جالپى ۇلتتىق سوتسيال-دەموكراتيالىق پارتياسى فراكسياسىنىڭ جەتەكشىسى اسحات راقىمجانوۆ قاتىستى.

وسىعان دەيىن «AMANAT» پارتياسى پرەمەر-مينيستر لاۋازىمىنا ءاليحان سمايىلوۆتى ۇسىنعانى حابارلاندى.