جاڭا الەۋمەتتىك كودەكس: زەينەتاقى جۇيەسىندە نە وزگەرەدى
بۇل تۋرالى الماتى قالاسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نازگۇل ساعىندىقوۆا ايتتى، دەپ حابارلايدى قازاقپارات ءتىلشىسى.
سپيكەردىن سوزىنشە، قازىرگى جۇيە زەينەتكەرلەردىڭ 3 ۇرپاعىن قامتيتىن بولادى. قۇجات بازالىق زەينەتاقىنىڭ مولشەرىن ارتتىرۋدى كوزدەيدى.
«وزگەرىستەردە 1998-جىلعا دەيىن جانە 1998-جىلدان كەيىن زەينەتكە شىققان زەينەتكەرلەر زەينەتاقى تولەمدەرىنىڭ نەگىزگى بولىگىن مەملەكەتتەن، ال بولاشاق زەينەتكەرلەر جيناقتاۋشى زەينەتاقى جۇيەسىنەن الادى»، - دەپ ءتۇسىندىردى ۆيتسە-مينيستر.
سونىمەن قاتار ول كودەكس نورمالارى ينۆەستورلارعا ءوز اكتيۆتەرىن باسقارۋعا مۇمكىندىك بەرەتىنىن اتاپ ءوتتى.
«ازاماتتار بەلگىلەنگەن جەتكىلىكتىلىك شەگىن ەمدەۋگە جانە تۇرعىن ءۇي ساتىپ الۋعا جۇمساي الادى. سالىمشىلار الىنعاننان كەيىن قالعان زەينەتاقى جيناقتارىنىڭ نەمەسە بارلىق جيناقتالعان سومانىڭ %50 دان اسپايتىن بولىگىن جەكە باسقارۋعا بەرە الادى. بۇل رەتتە زەينەتاقى جيناعىنىڭ ساقتالۋىنا مەملەكەتتىك كەپىلدىك تەك ۇلتتىق بانك باسقاراتىن جيناقتاردىڭ بولىگىنە عانا قولدانىلاتىنىن اتاپ وتكەن ءجون»، - دەپ تولىقتىردى نازگۇل ساعىندىقوۆا.
ايتۋىنشا، ينۆەستورلار باسقارۋشى كومپانيالاردى تاڭداعان كەزدە ىقتيمال تاۋەكەلدەردى وزدەرى باعالاۋى كەرەك.
ەسكە سالايىق، بىلتىر جەلتوقسان ايىندا ۇكىمەت الەۋمەتتىك كودەكس جوباسىن قابىلداعان بولاتىن.