الماتىدا زاڭسىز ساتىلىمعا شىققان تاعى ءبىر تۇرعىن ءۇي كەشەنى انىقتالدى
الماتى قالالىق قۇرىلىس باقىلاۋ باسقارماسىنىڭ اقپاراتىنا سايكەس، ينتەرنەت-رەسۋرستاردا «DEMEU Residence» تۇرعىن ءۇي كەشەنىندە قۇرىلىس سالۋشى Demeu Development پاتەرلەردىڭ ساتىلۋى بويىنشا حابارلاندىرۋلار جاريالانعان.
«مەنشىك يەسى قۇرىلىسقا رۇقسات قۇجاتتارىن العان جوق. سونىمەن قاتار قالانىڭ 192-وندىرىستىك كووپەراتيۆىندە ورنالاسقان جەر ۋچاسكەسىنىڭ ماقساتتى باعىتى جەكە قوسالقى شارۋاشىلىق جۇرگىزۋ بولىپ تابىلادى. ۋچاسكەدە قۇرىلىس جۇرگىزىلمەيدى. الايدا حابارلاندىرۋدا تۇرعىن ءۇي كەشەنىن اعىمداعى جىلدىڭ IV توقسانىندا تاپسىرۋ جوسپارلانعانى كورسەتىلگەن»، - دەلىنگەن اكىمدىك اقپاراتىندا.
باسقارما وكىلدەرى، قالا تۇرعىندارىن اباي بولۋعا جانە جىلجىمايتىن مۇلىكتى ساتىپ الماس بۇرىن 77272298136+ ءنومىرى بويىنشا سالىنىپ جاتقان ت ك قۇجاتتاردىڭ تولىق پاكەتىن تەكسەرۋگە شاقىرادى.
بۇعان دەيىن الماتىدا ەكى تۇرعىن ءۇي كەشەنىنىڭ زاڭسىز پاتەر ساتۋعا شىعارعانى تۋرالى جازعان ەدىك.
