ا ق ش پەن ورتالىق ازيا ىنتىماقتاستىقتى نىعايتۋعا مۇددەلى
كەزدەسۋگە قاتىسۋشىلار TIFA مىندەتتەمەلەرى اياسىندا كەڭەسكە مۇشە ەلدەر اراسىنداعى ساۋدا جانە ينۆەستيتسيالار باعىتىنداعى ىنتىماقتاستىقتى كەڭەيتۋگە ۋاعدالاستى.
اتاپ ايتقاندا، تاراپتار جۇمىس كۇشى، ايەلدەردىڭ ەكونوميكالىق مۇمكىندىگىن ارتتىرۋ، زياتكەرلىك مەنشىك، ساۋداداعى تەحنيكالىق كەدەرگىلەر، سانيتارلىق جانە فيتوسانيتارلىق شارالار جانە سيفرلىق ساۋدا مەن كەدەندىك پروتسەدۋرالارعا قاتىستى ماسەلەلەردى تالقىلادى.
كەزدەسۋ كەزىندە ا ق ش تاراپى ورتالىق ازياداعى ەكونوميكالىق رەفورمالاردى جوعارى باعالاپ، ءبىرقاتار سالا بويىنشا قولداۋ كورسەتەتىنىن اتاپ ءوتتى. دەلەگاتسيا وكىلدەرى «C5+1» ايماقتىق پلاتفورماسى اياسىندا ەكونوميكالىق ءوسىمدى ىنتالاندىرۋ بويىنشا قوسىمشا كۇش سالۋعا ءازىر ەكەندەرىن مالىمدەدى.
بۇعان قوسا، كەڭەسكە قاتىسۋشىلار بىلتىر TIFA جانىنداعى سيفرلىق ساۋدا جونىندەگى جۇمىس توبى قۇرىلعانىن اتاپ ءوتتى. ياعني، وعان ساي تاراپتار سيفرلىق ەكونوميكانى رەتتەيتىن شارالاردى ازىرلەۋ، شاعىن جانە ورتا بيزنەستىڭ جاھاندىق نارىقتارعا قاتىسۋىن قامتاماسىز ەتۋ ءۇشىن مۇددەلى تاراپتارمەن كەڭەس وتكىزۋ تۋرالى كەلىسىمگە كەلدى.
سونىمەن قاتار، TIFA- عا مۇشە ەلدەر ورتالىق ازيا ا ق ش- تىڭ جالپى پرەفەرەنتسيالار جۇيەسى (GSP) باعدارلاماسىن قايتا قولعا الۋىن قولدايتىنىن جانە وعان مۇددەلى ەكەنىن ءبىلدىردى. بۇل ءوز كەزەگىندە سەرىكتەستىك سالالارىنا جانە ەكونوميكالىق وسىمگە ىقپال ەتپەك.
