اسحات ايماعامبەتوۆ پارلامەنتتە جاڭا قىزمەتكە تاعايىندالدى

استانا. قازاقپارات - اسحات ايماعامبەتوۆ ق ر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ ءتوراعاسى بولىپ سايلاندى، دەپ حابارلايدى قازاقپارات ءتىلشىسى.

«ءبىزدىڭ تاراپىمىزدان الەۋمەتتىك- مادەني دامۋ كوميتەتىنە اسحات قانات ۇلى ايماعامبەتوۆتىڭ كانديداتۋراسى ۇسىنىلادى»، - دەدى دەپۋتات ەلنۇر بەيسەمبايەۆ.

دەپۋتتار بۇل كانديداتۋرانى ءبىراۋىزدان ماقۇلدادى.

اسحات ايماعامبەتوۆ 1982 -جىلدىڭ 14-ماۋسىمىندا قاراعاندى وبلىسى، شەت اۋدانى، اقسۋ-ايۋلى اۋىلىندا دۇنيەگە كەلگەن.

2003 -جىلى «تاريحشى، تاريح ءپانى مۇعالىمى» ماماندىعىمەن ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن (قار م ۋ) ءبىتىردى.

2006 -جىلى «بولاشاق» قاراعاندى اكتۋالدى ءبىلىم بەرۋ ينستيتۋتىن زاڭگەر ماماندىعى بويىنشا ءبىتىردى.

2002-2004 ج ج. ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ قىزمەتكەرى.

2003-2012 ج ج - قاراعاندى قالالىق ءماسليحاتىنىڭ Ⅲ جانە IV شاقىرىلىمدارىنىڭ دەپۋتاتى، قالالىق ءماسليحاتتىڭ الەۋمەتتىك ماسەلەلەر جونىندەگى تۇراقتى كوميسسياسىنىڭ ءتوراعاسى.

2004-2005 ج ج - «جاس انسار ليگاسى» ق ب ءتوراعاسى.

2005-2006 ج ج - «مەديا س پ» ج ش س ديرەكتورى.

2006-2012 ج ج - قارمۋ، ساياساتتانۋ جانە الەۋمەتتانۋ كافەدراسىنىڭ وقىتۋشىسى، اعا وقىتۋشىسى، دوتسەنت.

2012-2014 ج ج - الەۋمەتتىك ماسەلەلەر بويىنشا نۇرا اۋدانىنىڭ اكىمنىڭ ورىنباسارى.

2014 -جىلعى اقپان - 2017 -جىلعى تامىز - قاراعاندى وبلىسىنىڭ ءبىلىم باسقارماسىنىڭ باستىعى.

2017 -جىلعى تامىز - 2019 -جىلعى 17-قاڭتار - قازاقستان رەسپۋبليكاسى ءبىلىم جانە عىلىم ۆيتسە-ءمينيسترى.

17-قاڭتار – 13-ماۋسىم 2019 -جىل - قاراعاندى وبلىسى اكىمىنىڭ ورىنباسارى.

2019 -جىلدىڭ 13-ماۋسىم كۇنى قازاقستان رەسپۋبليكاسىنىڭ ءبىلىم جانە عىلىمي ءمينيسترى بولىپ تاعايىندالدى.

2022 -جىلدىڭ 11-ماۋسىمىنان باستاپ - قازاقستان رەسپۋبليكاسىنىڭ وقۋ-اعارتۋ ءمينيسترى.

2023 -جىلعى 4-قاڭتار كۇنى پرەزيدەنت جارلىعىمەن قىزمەتىنەن بوساتىلىپ، 19-ناۋرىزداعى سايلاۋ قورىتىندىسى بويىنشا ءماجىلىس دەپۋتاتى بولىپ سايلاندى.