اق جول پارتياسىنىڭ ماجىلىستەگى دەپۋتاتتارى انىقتالدى

استانا. قازاقپارات - بۇگىن «اق جول» دەموكراتيالىق پارتياسىنىڭ ۇلتتىق كەڭەسىنىڭ پلەنۋمى ءوتتى. وندا پارلامەنت ءماجىلىسىنىڭ سەگىزىنشى شاقىرىلىمىنداعى دەپۋتاتتاردى سايلاۋ قورىتىندىلارى تالقىلانىپ، دەپۋتاتتىق مانداتتار ءبولىندى، دەپ حابارلايدى قازاقپارات.

پلەنۋمنىڭ ءبىراۋىزدان شەشىم شىعارۋىمەن ءماجىلىستىڭ دەپۋتاتتىق مانداتتارى كەلەسى كانديداتتارعا سەنىپ تاپسىرىلدى:

بارلىبايەۆ ەرلان حايلان ۇلى - ەكونوميست، پارلامەنت ءماجىلىسىنىڭ VII شاقىرىلىم دەپۋتاتى؛

بەيسەنبايەۆ ەرجان المابەك ۇلى - جاس بيزنەسمەن، «BIGLIFE» ج ش س تاۋەلسىز ديرەكتورى، جەتىسۋ وبلىسى؛

ەسپايەۆا دانيا ءمادي قىزى - قارجىگەر، پارلامەنتى ءماجىلىسىنىڭ VII شاقىرىلىم دەپۋتاتى؛

يسا قازىبەك جارىلقاسىن ۇلى - اقىن، پارتيا ءتوراعاسىنىڭ ورىنباسارى، پارلامەنت ءماجىلىسىنىڭ VII شاقىرىلىم دەپۋتاتى؛

پەرۋاشيەۆ ازات تۇرلىبەك ۇلى - پارتيا ءتوراعاسى؛

سادىقوۆ اسقار امانباي ۇلى - بيزنەسمەن، پارتيانىڭ وبلىستىق فيليال ءتوراعاسى، اقتوبە وبلىسى.

ەسكە سالا كەتەيىك، 27- ناۋرىزدا ورتالىق سايلاۋ كوميسسياسى ءماسليحاتتار مەن پارلامەنت ءماجىلىسىنىڭ كەزەكتى سايلاۋىنىڭ قورىتىندىسىن شىعاردى. سايلاۋ قورىتىندىسى بويىنشا «اق جول» ماجىلىستە 6 دەپۋتاتتىق ماندات الدى.