20:11, 16 - ناۋرىز 2023 | GMT +5
تۇركى مەملەكەتتەرى سىن ساعاتتا اۋىزبىرشىلىكتىڭ وزىق ۇلگىسىن كورسەتتى - مەملەكەت باسشىسى
انكارا. قازاقپارات – ق ر پرەزيدەنتى قاسىم-جومارت توقايەۆ تۇركى مەملەكەتتەرى ۇيىمىنىڭ سامميتىندە سويلەگەن سوزىندە تۇركى مەملەكەتتەرىنىڭ اۋىزبىرشىلىگى تۋرالى ايتتى، دەپ حابارلايدى قازاقپارات اقورداعى سىلتەمە جاساپ.
«تۇركى مەملەكەتتەرى سىن ساعاتتا اۋىزبىرشىلىك پەن جاناشىرلىقتىڭ وزىق ۇلگىسىن كورسەتتى. وسى باۋىرمالدىعىمىز نىعايا ءتۇسسىن. ءاردايىم ءبىر-بىرىمىزگە قامقور بولىپ، ىنتىماعىمىز جاراسا بەرسىن!»، - دەدى مەملەكەت باسشىسى.
ەسكە سالساق، كەشە تۇندە قاسىم-جومارت توقايەۆ ت م ۇ- نىڭ كەزەكتەن تىس سامميتىنە قاتىسۋ ءۇشىن انكاراعا جۇمىس ساپارىمەن باردى. بۇگىن مەملەكەت باسشىسى تۇركيا پرەزيدەنتى رەجەپ تايپ ەردوعانمەن كەزدەستى.
