رەسەيمەن شەكارانى دەماركاتسيالاۋ قاشان اياقتالادى –س ءى م جاۋابى
«رەسەي فەدەراتسياسىمەن اراداعى شەكارانى دەماركاتسيالاۋ پروتسەسى بىرنەشە جىلدان بەرى جالعاسىپ كەلەدى. قازىرگى كەزەڭدە بۇل پروتسەسس قورىتىندى ساتىدا دەپ ايتۋعا بولادى. ءوز باياندامامدا ايتقانىمداي، قازاقستاننىڭ رەسەيمەن شەكاراسىنىڭ ۇزىندىعى 7,5 مىڭ شاقىرىمنان استام»، - دەدى ول سەنات وتىرىسىنان كەيىن.
رومان ۆاسيلەنكو ەكى ەلدىڭ اراسىنداعى شەكارا الەمدەگى ەڭ ۇزاققا سوزىلىپ جاتقان شەكارا ەكەنىن ەسكە سالدى.
«سوندىقتان ەلەستەتە الاسىزدار دەپ ويلايمىن. جەرگىلىكتى ورىنداردا شەكارا سىزىعىن انىقتاۋدا قيىندىقتار تۋىنداپ جاتادى. ويتكەنى شەكارا سىزىعى كۇردەلى رەلەفتىڭ ۇستىمەن ءوتۋى مۇمكىن. مىسالى، تاۋلى جەردە بولۋى مۇمكىن دەگەن سياقتى. سوندىقتان رەسەي فەدەراتسياسىمەن شەكارانى دەماركاتسيالاۋ پروتسەسى ۇنەمى، ۇدەمەلى جالعاسىپ جاتىر. ايتالىق، وزبەكستانمەن اراداعى شەكارانى شەگەندەۋ پروتسەسى دە بىرنەشە جىلعا سوزىلىپ كەلەدى، - دەدى رومان ۆاسيلەنكو.
