قازاقستان ۋكرايندىق داعدارىستى ساياسي رەتتەۋدە قىتاي ۇستانىمىن قولدايدى –س ءى م
«قازاقستان رەسپۋبليكاسى ۋكرايندىك داعدارىستى ساياسي رەتتەۋ بويىنشا قىتاي حالىق رەسپۋبليكاسىنىڭ ۇستانىمىن قۇپتاي وتىرىپ، بىرىككەن ۇلتتار ۇيىمىنىڭ قاعيداتتارى نەگىزىندە مەملەكەتتىڭ اۋماقتىق تۇتاستىعى، تاۋەلسىزدىگى جانە ەگەمەندىگى نەگىزىندە قانتوگىستى توقتاتۋعا كومەكتەسۋ رەتىندە قولداۋعا لايىق ەكەنىن بىلدىرەدى.
ءبىز بۇل ماسەلەنى تەك حالىقارالىق قۇقىق پەن ب ۇ ۇ قاعيداتتارى نەگىزىندە بەيبىت جولمەن شەشۋگە بالاما جوق دەپ سانايمىز.
ءبىز اسكەري قاقتىعىسقا قاتىسۋشى تاراپتاردىڭ ىزگى نيەت تانىتۋىن، ۇرىس-قاقتىعىستى توقتاتىپ، كەلىسسوز ۇستەلىنە وتىرۋىن، ال الەمدىك قوعامداستىقتىڭ جاعدايدى بارىنشا ديپلوماتيالىق جولمەن شەشۋگە ۇلەس قوسۋىن جاقتايمىز.
سونىمەن قاتار، قازاقستان قىتاي حالىق رەسپۋبليكاسىنىڭ جاھاندىق قاۋىپسىزدىك باستاماسىنىڭ تۇجىرىمداماسىندا ايقىندالعان ءبىزدىڭ مەملەكەتتەرىمىزدىڭ بۇگىنگى تاڭداعى وزەكتى ماسەلەلەردى شەشۋىنىڭ ۇقساستىعىن اتاپ وتەدى»، - دەلىنگەن مالىمدەمەدە.
