08:03, 23 - اقپان 2023 | GMT +5
ۇكىمەتتە مۇناي جانە جولاۋشىلار اۋە تاسىمالى نارىعىنداعى مونوپوليامەن كۇرەس ماسەلەسى قارالدى
استانا. قازاقپارات - ەكونوميكانى دەمونوپوليزاتسيالاۋ جونىندەگى كوميسسيانىڭ وتىرىسىندا مۇناي ونىمدەرىن ءوندىرۋ سالاسى جانە جولاۋشىلار اۋە تاسىمالى نارىعىندا مونوپولياعا قارسى جاڭا شارالاردى ىسكە اسىرۋ جونىندەگى ۇسىنىستار قارالدى، دەپ حابارلايدى قازاقپارات ۇكىمەتتىڭ سايتىنا سىلتەمە جاساپ.
ق ر پرەمەر- ءمينيسترى ءاليحان سمايىلوۆتىڭ توراعالىعىمەن مۇناي وڭدەۋ زاۋىتتارىنىڭ بىرىندە تەحنيكالىق سەرۆيستىڭ نەگىزگى فۋنكسيالارىن اۋتسورسينگتەن كاسىپورىننىڭ وزىنە قايتارۋ ماسەلەلەرى تالقىلاندى.
بۇل اتالعان قىزمەتتەردى ورىنداۋعا ارالاساتىن ارتىق دەلدالداردى الىپ تاستاۋعا مۇمكىندىك بەرەدى. سونىمەن قاتار وتىرىسقا قاتىسۋشىلار زاڭناماداعى كەمشىن تۇستاردىڭ ەسەبىنەن بيلەت قۇنىنىڭ نەگىزسىز ءوسۋىن بولدىرماۋعا مۇمكىندىك بەرەتىن جولاۋشىلار اۋە تاسىمالى سالاسىنداعى شارالاردى قاراستىردى.
تالقىلاۋ قورىتىندىسى بويىنشا پرەمەر- مينيستر ۋاكىلەتتى ورگاندارعا بەكىتىلگەن شەشىمدەردى ىسكە اسىرۋ ءۇشىن قاجەتتى شارالاردىڭ بارلىعىن قابىلداۋدى تاپسىردى.
فوتو: primeminister.kz
