20:26, 22 - اقپان 2023 | GMT +5
مەملەكەت باسشىسى ۇلتتىق قۇرىلتاي مۇشەسى تالعات قاليەۆتى قابىلدادى
استانا. قازاقپارات - مەملەكەت باسشىسى قاسىم- جومارت توقايەۆ ۇلتتىق قۇرىلتاي مۇشەسى تالعات قاليەۆتى قابىلدادى، دەپ حابارلايدى اقوردا.
قاسىم- جومارت توقايەۆ قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتايدىڭ مۇشەسى، «قولدانبالى ەتنوساياسي زەرتتەۋلەر ينستيتۋتىنىڭ» ديرەكتورى تالعات قالييەۆتى قابىلدادى.
ۇلتتىق قۇرىلتاي مۇشەسى پرەزيدەنتكە ەلىمىزدە جۇرگىزىلىپ جاتقان رەفورمالار اياسىندا ۇلتتىق بىرەگەيلىكتى دامىتۋعا قاتىستى ۇسىنىستارىن جەتكىزدى.
سونىمەن قاتار ساياساتتانۋشى زەرتتەۋ ورتالىقتارىنىڭ قوعامداعى ءرولى، سونىڭ ىشىندە «قولدانبالى ەتنوساياسي زەرتتەۋلەر ينستيتۋتىنىڭ» اتقارىپ جاتقان جۇمىستارى تۋرالى باياندادى.
