ۋنيۆەرسيتەت تۇلەكتەرى قانداي مەملەكەتتىك قىزمەتكە ىرىكتەۋسىز ورنالاسا الادى
ورتالىق كوممۋنيكاتسيالار قىزمەتىندە وتكەن بريفينگىدە مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى ازامات جولمانوۆ وسىلاي ءمالىم ەتتى، دەپ حابارلايدى قازاقپارات ءتىلشىسى.
«مەملەكەتتىك گرانتپەن قازاقستاندىق وقۋ ورىندارىن ۇزدىك اياقتاعان تۇلەكتەر اۋدان مەن اۋىلدارداعى تومەنگى لاۋازىمدارعا كونكۋرستىق ىرىكتەۋسىز تىكەلەي تاعايىندالادى. ولار اۋدان نەمەسە وبلىستىق ماڭىزى بار قالا اكىمى جانە ءماسليحات اپپاراتتارىنىڭ تومەنگى لاۋازىمىنا، جەرگىلىكتى بيۋدجەتتەن قارجىلاندىرىلاتىن اتقارۋشى ورگاننىڭ باسشىسى ەمەس لاۋازىمىنا تاعايىندالا الادى. سونىمەن قوسا، ولار اۋداندىق ماڭىزى بار قالا، اۋىل، كەنت، اۋىلدىق وكرۋگ اكىمى اپپاراتىنىڭ باسشىسىنان باسقا قىزمەتتەرگە، ورتالىق مەملەكەتتىك ورگاننىڭ اۋماقتىق بولىمشەسىنىڭ جانە وبلىستىق ماڭىزى بار قالاداعى باسشىلىق ەتپەيتىن مەملەكەتتىك اكىمشىلىك لاۋازىمدارعا ورنالاسا الادى»، - دەپ توقتالدى ول.
ازامات جولمانوۆتىڭ ايتۋىنشا، بۇل بىلىكتى جاستاردى مەملەكەتتىك قىزمەتكە ىنتالاندىرۋعا، جاس مامانداردى اۋدان مەن اۋىلدىق ايماقتارعا تارتۋعا، وڭىرلەردەگى كادر تاپشىلىعىن ازايتۋعا ىقپال ەتپەك.
