مينيستر گازدى ۇنەمدەپ پايدالانبايتىن قازاقستاندىقتاردى سىنعا الدى

استانا. قازاقپارات - گازدى ۇنەمدى تۇتىنۋ جونىندە تەتىك ەنگىزۋ قاجەت. بۇل تۋرالى بۇگىن ۇكىمەت وتىرىسىندا ەنەرگەتيكا ءمينيسترى بولات اقشولاقوۆ ايتتى، دەپ حابارلايدى قازاقپارات ءتىلشىسى.

«حالىقتى گازداندىرۋ بويىنشا بەلسەندى جۇمىسپەن قاتار ەنەرگيا رەسۋرسى رەتىندە گازدى ۇتىمدى، ۇنەمدەپ تۇتىنۋ مادەنيەتىن ەنگىزۋ قاجەت ەكەنىن دە اتاپ وتكىم كەلەدى. تالداۋ كورسەتكەندەي، ەلدىڭ جىلى ايماقتارى ورتاشا تەمپەراتۋراسى الدەقايدا تومەن ايماقتارمەن بىردەي دەڭگەيدە گاز تۇتىنادى»، - دەدى بولات اقشولاقوۆ.

ونىڭ اتاپ وتۋىنشە، 2022 -جىلى زاڭنامالىق تۇردە تۇتىنۋشىلاردىڭ 2 جاڭا ساناتى - ءىرى كوممەرتسيالىق تۇتىنۋشىلار جانە سيفرلىق ماينينگتى جۇزەگە اسىراتىن تۇلعالار ەنگىزىلدى.

بۇل ءىس- شارالار ونەركاسىپتىك كاسىپورىنداردىڭ ەنەرگيا تيىمدىلىگىن ارتتىرۋعا اكەلەدى.

«وسى جىلى اتاۋلى الەۋمەتتىك كومەك الاتىن تۇتىنۋشىلاردى قوسپاعاندا، تۇرمىستىق جانە كوممۋنالدىق- تۇرمىستىق تۇتىنۋشىلار ءۇشىن گازدى ۇنەمدى تۇتىنۋ جونىندەگى تەتىكتى ەنگىزۋ مۇمكىندىگىن قاراستىرۋ ۇسىنىلادى»، - دەدى مينيستر.

گازدى ۇنەمدەپ تۇتىنۋدى ىنتالاندىرۋ ءۇشىن سارالانعان باعا بەلگىلەۋدى ەنگىزۋ قاجەت.

«مەملەكەت باسشىسىنىڭ ەلدى گازداندىرۋ جونىندەگى تاپسىرمالارىن ورىنداۋ ماقساتىندا مينيسترلىك گازدىڭ رەسۋرستىق بازاسىن تولىقتىرۋ جانە گاز تاسىمالداۋ جۇيەسىن جاڭعىرتۋ بويىنشا جۇيەلى جۇمىس جۇرگىزۋدە. بۇل تاپسىرمالار مينيسترلىكتىڭ تۇراقتى باقىلاۋىندا»، - دەدى مينيستر.

سونىمەن قاتار ول وڭىرلەردى ودان ءارى گازداندىرۋ ءۇشىن قابىلدانۋى قاجەت قوسىمشا ءىس- شارالاردى اتادى.

«ءبىرىنشى - «بەينەۋ- بوزوي- شىمكەنت» ماگيسترالدىق گاز قۇبىرىنىڭ 2- تىزبەگىن سالۋ. ءتيىستى تەحنيكالىق- ەكونوميكالىق نەگىزدەمەنى ازىرلەۋدى باستاۋ ۇسىنىلادى. ەكىنشى - تۇرمىستىق جانە كوممۋنالدىق- تۇرمىستىق تۇتىنۋشىلارعا گازدى ۇنەمدەپ تۇتىنۋدى ىنتالاندىرۋ ءۇشىن سارالانعان باعا بەلگىلەۋدى ەنگىزۋ. ەنەرگەتيكا مينيسترلىگىنە ۇلتتىق ەكونوميكا، يندۋستريا جانە ينفراقۇرىلىمدىق دامۋ مينيسترلىگىمەن، جەرگىلىكتى اتقارۋشى ورگاندارمەن، سامۇرىق- قازىنامەن، قازاق گازبەن بىرلەسىپ وسى تەتىكتى ازىرلەپ، ەنگىزۋدى تاپسىرۋىڭىزدى سۇرايمىن»، - دەدى بولات اقشولاقوۆ ۇكىمەت باسشىسى ءاليحان سمايىلوۆتان.

مينيستر ۇشىنشىدەن، كوگىلدىر وتىنعا قول جەتكىزۋدىڭ اشىق تەتىگىن قامتاماسىز ەتۋ ءۇشىن وسى جىلى قازاق گازدىڭ گازعا قوسىلۋ پروتسەستەرىن سيفرلاندىرۋدى اياقتاۋى كەرەكتىگىن ايتتى.

«ءتورتىنشى، گازبەن جابدىقتاۋ وبەكتىلەرىن جەرگىلىكتى اتقارۋشى ورگانداردان قازاق گازعا بەرۋ جونىندەگى جۇمىستى جەدەلدەتۋ ۇسىنىلادى»، - دەدى ول.