قاسىم-جومارت توقايەۆ «رودينا» اگروفيرماسىنىڭ باس ديرەكتورىن قابىلدادى
كەزدەسۋ بارىسىندا اۋىل شارۋاشىلىعى سالاسىن دامىتۋ ماسەلەلەرى تالقىلاندى.
يۆان ساۋەر قاسىم-جومارت توقايەۆقا وتاندىق اۋىل شارۋاشىلىعى عىلىمىن كەشەندى تۇردە جاڭعىرتۋ تۋرالى ۇسىنىستارىن ايتتى. سونداي-اق ەلىمىزدىڭ اۋىلدىق اۋماقتارىن دامىتۋعا قاتىستى ءوزىنىڭ كوزقاراسىن جەتكىزدى.
مەملەكەت باسشىسى دامىعان ينفراقۇرىلىمىمەن جانە تۇرعىنداردى بارىنشا جۇمىسپەن قامتۋىمەن ەرەكشەلەنەتىن «رودينا» اۋىلى ۇلگىلى ەلدى مەكەن سانالاتىنىن اتاپ ءوتتى.
پرەزيدەنت مەملەكەت تاراپىنان اۋىل تۇرعىندارىنىڭ تابىسى مەن تۇرمىس ساپاسىن ارتتىرۋعا ايرىقشا كوڭىل بولىنەتىنىنە توقتالدى.
قاسىم-جومارت توقايەۆ اۋىل حالقىنىڭ ەڭبەك ونىمدىلىگى مەن جۇمىسپەن قامتۋ كورسەتكىشتەرىن ارتتىرۋعا، سونداي-اق اۋىلداعى الەۋمەتتىك ينفراقۇرىلىمدى دامىتۋعا باعىتتالعان مەملەكەتتىك باعدارلامالاردى ءتيىمدى جۇزەگە اسىرۋ ءۇشىن بيزنەس-قوعامداستىقپەن بىرلەسە ارەكەت ەتۋ قاجەت ەكەنىنە نازار اۋداردى.
