كونستيتۋتسيالىق سوتتىڭ سۋدياسىنا ءومىر بويى الاتىن تولەم تاعايىندالادى

استانا. قازاقپارات – ق ر كونستيتۋتسيالىق سوتىنىڭ سۋدياسىنا ءومىر بويى اي سايىنعى تولەم تاعايىندالادى. وسىعان قاتىستى ۇكىمەت قاۋلىسى شىقتى، دەپ حابارلايدى قازاقپارات.

«قازاقستان رەسپۋبليكاسى كونستيتۋتسيالىق سوتىنىڭ سۋدياسىنا ءومىر بويعى اي سايىنعى قامتىلىم تولەۋ قاعيدالارى بەكىتىلسىن»، - دەلىنگەن قۇجات ماتىنىندە.

قاۋلىمەن بىرگە سوتىنىڭ سۋدياسىنا ءومىر بويعى تولەم تولەۋ ەرەجەسى دە بەكىتىلدى.

ەسكە سالساق، وتكەن جىلى قاراشادا سەنات كونستيتۋتسيالىق سوت تۋرالى زاڭ قابىلدادى.

مەملەكەت باسشىسى قاسىم- جومارت توقايەۆتىڭ جارلىعىمەن ەلۆيرا ءابىلحاسىم قىزى ازيموۆا ق ر كونستيتۋتسيالىق سوتىنىڭ ءتوراعاسى لاۋازىمىنا تاعايىندالدى.

سونىمەن قاتار كونستيتۋتسيالىق سوت ءتوراعاسىنىڭ ورىنباسارى بەلگىلى بولدى.

قاسىم- جومارت توقايەۆ كونستيتۋتسيالىق سوت ادىلەتتى قازاقستاننىڭ ايناسى بولادى دەدى.