شەتەلگە كەتىپ قالعان بالالاردىڭ شوتىنداعى قاراجات ساقتالا ما

استانا. قازاقپارات - قارجى ۆيتسە-ءمينيسترى داۋرەن تەمىربەكوۆ ۇلتتىق قوردان بالالارعا اۋدارىلعان قاراجات قاي جاعدايدا بۇعاتتالاتىنىن ايتتى، دەپ حابارلايدى قازاقپارات ءتىلشىسى.

«ەگەر 18 جاسقا تولماعان بالا ەلدەن كەتىپ، قازاقستان ازاماتتىعىنان باس تارتسا، وندا بۇل تولەمدەردى تالاپ ەتە المايدى. وسى قاراجات بالالاردىڭ اراسىندا قايتا بولىنەدى. سونىمەن قاتار، 18 جاسقا دەيىن بالانىڭ ازاماتتىعى وزگەرمەي، ەلدەن كەتسە، تولەمدەردى تالاپ ەتۋ قۇقىعى ساقتالادى»، - دەدى د. تەمىربەكوۆ سەنات دەپۋتاتتارىمەن كەزدەسۋ كەزىندە.

ونىڭ ايتۋىنشا، 18 جاسقا تولعاننان كەيىن شوتتاعى قاراجات 5 نەمەسە 10 جىل بويى ساقتالادى.

«اتالعان مەرزىمدە قاراجاتقا سۇراۋ سالىنباسا، شوتتاعى قاراجات وسى بالالاردىڭ زەينەتاقى شوتىنا اۋدارىلادى. سونىمەن قاتار، ازاماتتىق زاڭناماعا سايكەس، جيناقتالعان قاراجاتتى مۇراگەرلىك بويىنشا بەرۋ مۇمكىندىگى قاراستىرىلادى»، - دەدى ۆيتسە-مينيستر.

بۇدان بۇرىن حابارلانعانداي، داۋرەن تەمىربەكوۆ «ۇلتتىق قور - بالالارعا» جوباسى اياسىندا اۋدارىلاتىن قاراجات تۋرالى ايتتى.

بالانىڭ شوتىنا جىل سايىن 150-160 ا ق ش دوللار سوماسىندا قاراجات اۋدارى ەسكەرىلگەن.

شوتتا جيناقتالعان قاراجاتتى 18 جاسقا تولعاندار عانا پايدالانا الادى.

بۇل شوتتاعى قارجىنى ءبىلىم الۋعا نەمەسە تۇرعىن ءۇي ساتىپ الۋعا جۇمساۋعا بولادى.