باعدات مۋسين تۇركيادا كوز جۇمعان ميربولات قۇرماشەۆپەن كۋرستاس بولعان
«سوڭعى ءۇمىت وتى ءسوندى. سەنگىم كەلمەيدى… سوڭىنا دەيىن ۇمىتتەنىپ ەدىك. الايدا ميرۋس (ميربولات قۇرماشەۆ - اۆت. ) باۋىرىمىزدان ايىرىلىپ قالدىق. ميرۋس ەكەۋىمىز كۋرستاس بولدىق. ول وتە كرەاتيۆتى ەدى، اۋقىمدى دۇنيەلەر جاساعىسى كەلەتىن، تارتىمدىلىعىنىڭ ارقاسىندا ادامداردى ۇيىمداستىرا الاتىن. دىنگە بەرىك ادام ەدى. ماعجان استانا حابتى قۇرۋ بويىنشا العاشقى قادامدارىن باستاعاندا ول كوپ كومەك ەتتى، تەگىن، ەشقانداي كەلىسىمسىز. قولىنان كەلگەنىن ىستەپ، قازاقستاننىڭ IT- سالاسىن دامىتۋعا ۇلەسى مەن كومەگىن قوستى. قازاقستاندا ونىڭ بىرنەشە بيزنەس باستامالارى بولعان، 2020 -جىلى مەملەكەتتىڭ قاتىسۋىمەن ءبىر-ەكى جوبانى ىسكە اسىرعىسى كەلدى. ءبىراق مەملەكەت باسشىسى مەنى مينيستر ەتىپ تاعايىنداعان كەزدە ول جوبالاردان ءوز ەركىمەن باس تارتتى.
ارامىزدا تۇسىنىسپەۋشىلىك تۋدىراتىن جاعدايلاردى بولدىرماۋ ءۇشىن مەن يدەيالارىمدى شەت ەلدە جۇزەگە اسىرامىن، دەدى ول. ميرۋس - جيھانكەز، ءبىراز جەردە بولدى، ءبىراق تۇراقتالۋ ءۇشىن تۇركيانى تاڭداپ، سوڭعى ەكى جىل نەگىزىنەن سول جاقتا تۇرىپ جاتتى. پرەزيدەنتتىڭ انكاراعا رەسمي ساپارىنىڭ الدىنداعى قازاقستاندىق IT- ماماندارىنىڭ سول جاققا بارعانىن ءبارىڭىز بىلەتىن شىعارسىزدار. ءبىز سول كەزدە ولاردى ستامبۋلدىڭ بىرنەشە ءىرى IT- كومپانياسىنا اپارعان ەدىك. ميرۋس وسى ءىس- شارانىڭ نەگىزگى ۇيىمداستىرۋشىسى بولدى. ءبىز وعان استانا حابتىڭ وكىلى بولۋدى ۇسىندىق، ويتكەنى ەكى مەملەكەتتىڭ حابتارى مەن ماماندارىن جاقىنداستىراتىن ادامنىڭ بولۋى ماڭىزدى ەدى. ستۋدەنتتىك كەزدەن دە ءبىراز جاقسى ەستەلىكتەر بار، جاقىن ارالاسقان جولداستارى ولاردى ايتىپ جاتار دەپ ويلايمىن. يماندى بولسىن! جانىڭ ءجانناتتان ورىن تاپسىن باۋىرىم»، - دەپ جازدى ب. مۋمين جەلىدەگى پاراقشاسىندا.
ەسكە سالساق، بۇگىن تاڭعا جاقىن تۇركيادا جوعالعان قازاقستاندىق ميربولات قۇرماشەۆتىڭ دەنەسى تابىلدى.
ءبىز بۇعان دەيىن Astana Hub تەحنوپاركىنىڭ حالىقارالىق اگەنتى ميربولات قۇرماشەۆتىڭ تۇركيادا جوعالىپ كەتكەنىن حابارلادىق. تاعى ءبىر قازاقستاندىق سابينا مامادياروۆا امان تابىلدى.
