ەلىمىزدە قانشا مىڭ ادام دەپۋتات بولعىسى كەلەتىنى انىقتالدى
«ءماجىلىس دەپۋتاتتىعىنا 7 پارتيادان پارتيالىق تىزىممەن 283 كانديدات ۇسىنىلىپ وتىر. ماجىلىسكە ماجوريتارلىق وكرۋگ بويىنشا جالپى سانى - 609 كانديدات. بارلىق دەڭگەيدەگى ءماسليحاتتار بويىنشا 119 پارتيالىق ءتىزىم بولدى. اتالعان تىزىمدە 1471 كانديدات بار. ماجوريتارلىق وكرۋگتەر بويىنشا ءماسليحاتتارعا - 11844 كانديدات. جالپى ەسەپتى قارايتىن بولساق، ءماجىلىس پەن ءماسليحاتتار بويىنشا 14207 كانديدات ۇسىنىلدى»، - دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ بۇگىن كوميسسيا وتىرىسىندا.
ايتا كەتەيىك، ءماجىلىس سايلاۋىنا 7 ساياسي پارتيا قاتىسادى.
ونىڭ ىشىندە پارتيالىق ءتىزىم ارقىلى قازاقستان حالىق پارتياسىنان – 52، اقجول پارتياسىنان – 54، جالپىۇلتتىق سوتسيال-دەموكراتيالىق پارتياسىنان – 19، «بايتاق» جاسىلدار پارتياسىنان» - 18، «اۋىل» پارتياسىنان – 25، Respublica پارتياسىنان – 25، AMANAT پارتياسىنان - 90 كانديدات. كانديداتتاردىڭ جالپى سانى - 283. ورتالىق سايلاۋ كوميسسياسىنا كانديداتتاردىڭ اتىنان تاپسىرىلعان قۇجاتتار «سايلاۋ تۋرالى» كونستيتۋتسيالىق زاڭعا ساي كەلەدى.
